Hanna: Vorum allar staðráðnar í að ná í sigur

„Við gáfumst aldrei upp og héldum haus, það var alveg sama hver kom inná, við vorum allar staðráðnar í að ná í sigur,"sagði Hanna Guðrún Stefánsdóttir, leikmaður Stjörnunnar eftir 36-34 sigur gegn HK-stúlkum í kvöld.

„Við ætluðum að reyna að spila góða vörn og ná hraðaupphlaupunum og það tókst mjög vel í fyrri hálfleik. Í seinni hálfleik þá fórum við að halda forystunni of mikið."

„Við ætluðum allar að klára þetta á eigin spýtur, svo tekur Gústi leikhlé og húðskammar okkur. Við það ákváðum við að girða okkur í brók og klára þetta."

„ Ég er ánægð með viðbrögðin hjá liðinu eftir erfiðann kafla, mér fannst allar vera ákveðnar að ná þessum sigri hér í kvöld," sagði Hanna.