KKÍ hefur ákveðið að fresta viðureign Hauka og KFÍ í Lengjubikar karla í kvöld þar sem ekki er flugfært á milli Ísafjarðar og Reykjavíkur.
Ákveðið hefur verið að leikurinn fari fram á morgun klukkan 20.00. Liðin spila í B-riðli en Haukar unnu Fjölni í fyrstu umferð riðlakeppninnar á meðan að Ísfirðingar töpuðu fyrir Grindavík á heimavelli.
Tveir aðrir leikir fara fram í Lengjubikarnum í kvöld. KR tekur á móti Þór frá Þorlákshöfn í A-riðli og þá mætir Snæfell liði Tindastóls á heimavelli í C-riðli. Báðir leikir hefjast klukkan 19.15.
Viðureign Hauka og KFÍ frestað
Eiríkur Stefán Ásgeirsson skrifar
