Williams biður Tiger afsökunar

Kylfusveinninn Steve Williams hefur ekki verið að gera neitt sérstaka hluti síðan hann var rekinn af Tiger Woods. Hann virðist eiga erfitt með að sætta sig við brottreksturinn og hefur verið í því að láta Tiger heyra það.

Nú síðast var hann með vafasöm ummæli í garð Tigers á verðlaunahátíð kylfusveina í Shanghai.

Ekki hefur verið greint frá því hvað Williams nákvæmlega sagði en samkvæmt heimildum var hann með kynþáttaníð í garð Tigers. Einhverjir gengu út vegna ummæla Williams.

Hann hefur nú sent frá sér yfirlýsingu þar sem hann biður Tiger og aðra sem gætu hafa móðgast afsökunar.