Formúlu 1 lið héldu áfram að prófa unga ökumenn um borð í bílum sínum á Abú Dabí brautinni í dag eins og í gær. Frakkinn Jean Eric Vergne a Red Bull náði aftur besta tíma á Yas Marina brautinni. Landi hans Jules Bianchi sem er varaökumaður Ferrari náði næstbesta tíma.
Ökmennirnir sem eru á æfingunum hafa sumir hverjir aldrei ekið Formúlu 1 bíl áður og eru m.a. að prófa Pirelli dekk fyrir næsta ár, fyrir liðin sem þeir fá tækfiæri með. Formúlu 1 lið eru þegar farinn að huga að bílum næst árs og æfingarnar í Abú Dabí koma að notum á ýmsan hátt vegna þess.
„Þetta var annar góður dagur. Ég náði að aka fjölmarga kílómetra og lauk því sem við áætluðum að prófa og gat bætt tíma minn frá því í gær. Þetta var mikilvæg vinna fyrir liðið, af því við höfum safnað saman upplýsingum sem verða mikilvægar fyrir þróun á 2012 bílnum," sagði Bianchi eftir æfinguna.
Kevin Ceccon, 18 ára Ítali prófaði Formúlu 1 bíl í fyrsta skipti í dag með Torro Rosso.
„Þetta var ótrúleg reynsla, að keyra Formúlu 1 bíl og að vinna með þessu liði. Ég er þakklátur Torro Rosso fyrir þetta frábæra tækifæri. Við náðum að ljúka mikilli vinnu í dag og að prófa hluti fyrir bílinn auk Pirelli dekkjanna fyrir næsta ár og bárum þau saman við dekk þess árs," sagði Cecoon.
„Mér finnst ég hafa lært meira í dag í prófun á Formúlu 1 bíl, en á mörgum dögum í öðrum mótaröðum sem ég hef keppt í. Þetta var því lærdómsríkt og ég vonast til að taka framförum á morgun og geta hjálpað liðinu fyrir komandi tímabil," sagði Ceccon.
Tímarnir í dag
1. Jean-Eric Vergne Red Bull 1:40.188 43
2. Jules Bianchi Ferrari 1:40.279 91
3. Gary Paffett McLaren 1:41.756 71
4. Valtteri Bottas Williams 1:42.367 88
5. Johnny Cecotto Force India 1:42.873 84
6. Esteban Gutierrez Sauber 1:43.637 96
7. Sam Bird Mercedes 1:43.734 94
8. Kevin Korjus Lotus Renault 1:43.776 70
9. Luiz Razia Team Lotus 1:43.944 89
10. Kevin Ceccon Toro Rosso 1:44.808 97
11. Jan Charouz HRT 1:46.644 56
12. Charles Pic Virgin 1:46.698 61
13. Nathanael Berthon Virgin 1:48.646 9
Bianchi í mikilvægri vinnu með Ferrari
