Söngkonan Madonna hefur tekið upp lagið It"s So Cool með dóttur sinni Lourdes sem er fjórtán ára. Lagið verður annað hvort á næstu plötu Madonnu eða á plötu með lögum úr fyrsta leikstjórnarverkefni hennar, kvikmyndinni W.E.
Madonna, sem er 52 ára, vonast til að lagið verði upphafið að glæstum söngferli dótturinnar. „Madonna vonast til að Lourdes feti í fótspor hennar og verði einn stærsti kvenkyns popparinn í heiminum. Hún er fullkominn lærimeistari fyrir dótturina og vill endilega hjálpa henni að stíga sín fyrstu skref í tónlistarbransanum," sagði heimildarmaður blaðsins The Sun. „Lourdes er með frábæra rödd og hefur sterkan persónuleika, rétt eins og móðir hennar."
Madonna og Lourdes tóku fyrst upp It"s So Cool órafmagnað fyrir átta árum. Það var síðar gefið út á iTunes sem aukalag með smáskífunni Hung Up en hluti Lourdes í laginu var klipptur út. Þá útgáfu er hægt að hlusta á hér fyrir ofan.
Lífið
