Michelle Obama, Lady Gaga og Oprah Winfrey eiga það sameiginlegt að vera allar í topp 20 sætunum yfir áhrifamestu konur heims sem bandaríska tímaritið Forbes tók saman.
Í fyrsta sæti listans er Angela Merkel, kanslari Þýskalands, og fast á hæla hennar kemur Hillary Clinton, utanríkisráðherra Bandaríkjanna. Forsetafrúin Michelle Obama er einnig í einu af fyrstu tíu sætunum.
Tónlistarkonan Lady Gaga smellir sér í 11. sæti listans og með 12 milljónir fylgjenda á Twitter og 36 milljónir aðdáenda á Facebook er Lady Gaga því áhrifamesta konan innan skemmtanabransans.
Oprah Winfrey er í 14. sæti listans en hún nýtur ennþá töluverðra vinsælda þrátt fyrir að vera horfin af skjánum í bili. Beyoncé vermir 16. sætið og í 60. sæti situr eina ofurfyrirsæta listans, Gisele Bündchen.
