Allt á einum stað

Hressing, fyrirtækjaþjónusta Ölgerðarinnar, sérhæfir sig í heildarlausnum í drykkjarvöru og snarli fyrir vinnustaði landsins.

Við bjóðum fyrst og fremst upp á gott úrval drykkjarvöru; eins og kaffi, te, vatnsdrykki, gosdrykki, safa og þykkni. Einnig bjóðum við upp á mikið úrval af snarli. Hugmyndin er að vinnustaðir landsins finni á einum stað þá hressingu sem hentar hverjum og einum," segir Valur Ásberg Valsson, framkvæmdastjóri Hressingar.

Hressing varð til þegar Egill Skallagrímsson og heildsalan Danól sameinuðust í Ölgerðina árið 2007. „Við sameininguna skapaðist grundvöllur fyrir öfluga fyrirtækjaþjónustu með fjölbreyttu vöruúrvali," segir Valur en bætir við að gott vöruúrval dugi þó ekki til eitt og sér. „Við leggjum áherslu á að pöntunarferlið sé sem einfaldast og það er einlægt metnaðarmál okkar allra sem stöndum að Hressingu að halda þjónustustiginu háu." Valur útskýrir að fyrirtæki geti fengið heimsókn frá sölumanni eða hringingu frá þjónustuveri þegar ganga skal frá pöntun. „Eins nota mjög margir viðskiptavinir heimasíðuna www.hressing.is til að panta vörur. Það er bæði einfalt og fljótlegt."

Hressing býður viðskiptavinum sínum upp á breiða línu af tækjum á borð við sjálfsala, kaffivélar, djús- og safavélar, vatnsvélar og kæliskápa. Það er svo í höndum þjónustudeildar Ölgerðarinnar að sjá um fyrir-byggjandi viðhald, uppsetningu tækja og áfyllingu.

Allir sjálfsalar sem Hressing setur upp eru einfaldir í notkun; hægt er að nota greiðslukort en einnig er mögulegt að nota farsíma sem eru þá tengdir við ákveðin debet- eða kreditkort. Nýjasta viðbótin í þjónustu Hressingar er svo að tengja sjálfsalana við starfsmannakort.

„Þá dregst úttektin af launum starfsmanns og kemur fram á launaseðli viðkomandi," útskýrir Valur.

Í dag skipta um þúsund viðskiptavinir við Hressingu í hverjum mánuði og segir Valur þar eiga í hlut afar fjölbreyttan hóp vinnustaða af öllum stærðum. „Við erum með eigin dreifingu á höfuðborgarsvæðinu, á Snæfellsnesi austur til Hvolsvallar og allt þar á milli og frá Hrútafirði austur til Húsavíkur. Í tilviki þeirra vinnustaða sem ekki eru innan þessa svæðis þá notum við þriðja aðila til að koma vörunni tímanlega og örugglega á áfangastað. Það eiga allir að geta nýtt sér þjónustu Hressingar."

Nánari upplýsingar er að finna á www.hressing.is.