Fatalína Salander

Sænski fatarisinn H&M hefur náð samningum við búningahönnuð kvikmyndarinnar Karlar sem hata konur um að setja á markað föt sem verða innblásin af fatastíl Lisbeth Salander í myndinni.

Trish Summerville, sem hannaði alla búninga Lisbeth í myndinni, segir að fötin verði vissulega löguð að hinni venjulegu götutísku en sérkenni tölvuhakkarans verði þó fyrir hendi.

Anna Norling hjá H&M bætir við að fötin verði aðeins kvenlegri, en þau séu sátt við útkomuna. Fötin verða frumsýnd hinn 28.nóvember í Parísarbúðinni Colette.