Helgarmaturinn - dásamlegur eftirréttur

Lára Berglind Helgadóttir og eiginmaður hennar, Andrés Guðmundsson, eigendur Skólahreysti á Íslandi hafa í miklu að snúast í kringum Skólahreysti ásamt því að ala upp þrjá syni sína.

Þegar fjölskyldan kemur saman um helgar finnst henni gott að gæða sér á þessum ljúfa rétti eftir matinn.

Eftirlætis eftirréttur fjölskyldunnar

Fyrir sex

1,5 kg Dajm ís frá EmmEss

1 stórt stk. Nói Síríus hreint ljóst súkkulaði (með rauðu rósinni)

½ peli rjómi

Jarðarber 1 askja

Bláber ein askja

1 pakki ískex

Takið ísinn út úr frystinum.

Setjið súkkulaðið og rjómann í pott og bræðið við lágan hita.

Setjið því næst ísinn í kúlum í sex skálar.

Hreinsið berin og þerrið.

Stráið jarðarberjum og bláberjum yfir ísinn.

Hellið sósunni yfir og setjið að lokum tvö ískex í hverja skál.