Olazabal tekinn fyrir glannaakstur eftir Masters

Spánverjanum Jose Maria Olazabal lá mikið á að komast burt frá Masters í gær. Svo mikið að lögreglan stöðvaði hann fyrir allt of hraðan akstur.

Olazabal var á 156 km/h þar sem aðeins mátti keyra á 100 km/h. Bar kylfingurinn því við að hann væri að drífa sig á annað golfmót.

Ekki hjálpaði hraðaksturinn við það því Olazabal var tekinn niður á stöð þar sem hann þurfti að greiða sekt upp 80 þúsund krónur. Eftir það mátti hann fara.

Olazabal vann Masters-mótið árin 1994 og 1995. Hann verður fyrirliði Ryder-liðs Evrópu í september.