Umfjöllun og viðtöl: Fram - Valur 18-17 | Stella tryggði Fram oddaleik Eiríkur Stefán Ásgeirsson í Safamýri skrifar 9. maí 2012 12:36 mynd/stefán Stella Sigurðardóttir var hetja Framara í kvöld þegar Framkonur tryggðu sér oddaleik á móti Val í úrslitaeinvígi N1 deildar kvenna í handbolta. Fram vann leikinn 18-17 og jafnaði þar með einvígið í 2-2. Stella skoraði níu mörk í leiknum - þar á meðal sigurmarkið nokkrum sekúndum fyrir leikslok. Stella endaði líka fyrri hálfleikinn á því að skora beint úr aukakasti þegar leiktíminn var liðinn og náði þá að minnka muninn í 8-7 en Valsliðið var 8-5 yfir þegar rúm mínúta var til hálfleiks. Valsliðið var 16-14 yfir þegar tíu mínútur voru eftir af leiknum en Fram sýndi karakter og tryggði sér fimmta leikinn með góðum endaspretti þar sem Guðrún Ósk Maríasdóttir varði frábærlega í markinu. Heilt yfir var boðið upp á frábæra skemmtun og flottan handbolta í Safamýrinni í kvöld. Varnarleikur og markvarsla voru í aðalhlutverki eins og áður í þessari rimmu en bæði lið héldu sig við 6-0 varnir sem voru oft á tíðum frábærar. Sást það einna best á því að Valur skoraði sitt fyrsta mark gegn uppstilltri vörn Fram á 27. mínútu leiksins. Valur spilaði líka frábæra vörn og markverðir beggja liða - þær Guðrún Ósk og Guðný Jenný Ásmundsdóttir - voru í essinu sínu. Seinni hálfleikur var í meira jafnvægi og eftir því sem leikmenn þreyttust urðu mörkin fjölbreyttari. Liðin skiptust á að vera í forystu en Fram gerði það sem þurfti á hárréttum tíma. Valur hélt sér inni í leiknum með því að sækja hratt á andstæðinginn þegar færi gafst en þær voru líka afar öflugar í því að koma sér til baka og loka á nánast allar hraðaupphlaupsaðgerðir Framara. Heimamenn skoruðu aðeins eitt mark úr hraðaupphlaupi allan leikinn - þrátt fyrir að hafa spilað frábæra vörn og fengið góða markvörslu. Framarar þurfa líklega að vera duglegri að refsa fyrir mistök Vals í oddaleiknum ætli þeir sér að taka titilinn með sér heim í Safamýrina. Valskonur hafa margsinnis sýnt hversu öflugar þær eru á ögurstundu, sér í lagi á heimavelli. En miðað við leiki liðanna í rimmunni hingað til er von á öllu í oddaleiknum, sem verður á laugardaginn næstkomandi.Stella: Ekki hægt að biðja um meira „Þetta var geðveikur sigur og ekki hægt að biðja um meira fyrir áhorfendur en að fá sigurmark á lokasekúndunum. Þetta var mjög sætt," sagði Stella Sigurðardóttir, hetja Framara í kvöld. Hún skoraði níu mörk í kvöld, þar af sigurmarkið þegar þrjár sekúndur voru eftir af leiknum. „Mér fannst okkur ganga vel, heilt yfir. Varnarleikurinn var fínn á köflum, þó svo að við hefðum misst einbeitinguna aðeins inn á milli. Það má ekki gegn liði eins og Val." „Nú verðum við bara að halda áfram að spila okkar bolta - og öflugan varnarleik. Við þurfum líka að vera duglegri í að keyra á þær en það að er ljóst að þetta verður erfitt í oddaleiknum." Stella segist ekki vera þreytt þrátt fyrir allt álagið. „Nei, nei. Ég var aðeins tognuð í síðasta leik en var í góðu lagi í kvöld."Einar: Loksins datt þetta okkar megin „Þetta var alveg svakalega sætt," sagði Einar Jónsson, þjálfari Fram, eftir leikinn. „Stella sagði í leikhlénu [fyrir lokasóknina] að hún myndi skora og hún gerði það. Það var alveg rosalega ljúft að sjá boltann liggja í netinu. Loksins datt þetta okkar megin eftir öll þau skipti sem þetta hefur legið fyrir Valsmönnum." Stella skoraði einnig mark í lok fyrri hálfleiks, en þá beint úr aukakasti eftir að leiktíminn var liðinn. „Ég var nú búinn að gleyma því marki," sagði Einar og brosti. „En það taldi aldeilis. Hún gerði þetta mjög vel." „En það eru allir að tala um Stellu. Það má ekki gleyma því að ég er með marga frábæra leikmenn og við spilum sem heild. Við spiluðum frábæran varnarleik og það er það sem skiptir máli," sagði hann. „Það voru margir að tala um eftir síðasta leik að við vorum léleg þá. En við skoruðum bara einu marki meira í kvöld. Þetta snýst aðallega um mörk og varnarleik og við vorum góð í kvöld." Fram spilaði glimrandi góðan varnarleik í fyrri hálfleik. Valur skoraði ekki gegn uppstilltri vörn Fram fyrr en fáar mínútur voru eftir af fyrri hálfleik. „En við vorum sem óánægð með fyrri hálfleik að mörgu leyti. Við gerðum of mikið af mistökum. Við nýttum færin okkar illa, hentum boltanum í þeirra hendur og þær náðu að skora. Varnarleikurinn var þó góður." „Við áttum mikið inni fyrir þennan leik og ég held að við eigum enn töluvert inni. Við getum enn bætt okkur og ég tel að við séum ekki búin að toppa."Stefán: Flottur leikur Stefán Arnarssson, þjálfari Vals, var óánægður með tapið í kvöld en sáttur við margt í leik sinna manna. „Bæði lið fóru hægt af stað í sókninni en spiluðu góða vörn," sagði hann. „Þetta var heilt yfir flottur leikur. Það eina sem ég er svekktur með er að hafa tapað honum." Hann var óánægður með lokamínúturnar í báðum hálfleikjum. „Í fyrri hálfleik vorum við með þriggja marka forystu, 8-5, en fáum svo tvö mörk á okkur á lokamínútununni. Við vorum svo tveimur mörkum yfir þegar stutt var eftir en missum það líka niður og töpum svo leiknum á lokasekúndunum." „Vörn og markvarsla var góð hjá báðum liðum og það mun ráða úrslitum í þessari rimmu ásamt öðru - til dæmis hvort liðið skorar fleiri mörk úr hraðaupphlaupum. Við skoruðum til dæmis eingöngu mörk úr hraðaupphlaupum og seinni bylgjum fyrstu 25 mínúturnar í leiknum." „Við ræddum það svo í hálfleiknum og við löguðum það. Þá spiluðum við betri sóknarleik."Kristín: Verður áfram spennandi „Við vildum klára þetta í kvöld. En svona eru þessir leikir - þessi lið eru hnífjöfn," sagði leikstjórnandinn Kristín Guðmundsdóttir hjá Val eftir leikinn. Lítið var skorað í upphafi leiks en bæði lið léku öflugan varnarleik. „Það var smá stress í báðum liðum og auðvitað hefði sóknarleikurinn mátt vera betri. En svona verður þetta áfram og ég held að oddaleikurinn verði rosalegur. Síðustu leikir hafa verið gríðarlega spennandi og ég á ekki von á öðru en einhverju svipuðu á laugardaginn." Olís-deild kvenna Mest lesið Guðmundur miður sín eftir stórtap: „Eitt það versta sem ég hef upplifað lengi“ Handbolti „Hún reif í mig og hraunaði yfir mig, á Marilegan hátt“ Sport Ósætti við úrelta löggjöf: „Sennilega eina þjóðin eftir í heiminum“ Sport „Vil miklu frekar eiga feril í MMA heldur en að vinna skrifstofustarf“ Sport Tyson segist ekki berjast vegna peninganna Sport Tekur með sér lifrarpylsu, grjónagraut og sviðasultu í bakgarðshlaupið Sport Víkingar spila á Íslandi í dagsbirtu Fótbolti Aðeins einn löglegur dúkur svo Valur og FH byrja saman í Krikanum Handbolti Óttast um öryggi fjölskyldunnar og neyðist til að flytja Sport Alexander-Arnold reynir að kaupa Nantes Enski boltinn Fleiri fréttir Aðeins einn löglegur dúkur svo Valur og FH byrja saman í Krikanum Arftaki Kristjáns óvænt hættur Guðmundur miður sín eftir stórtap: „Eitt það versta sem ég hef upplifað lengi“ Elín Klara og Sara Sif sáu um Stjörnuna Slæm byrjun Vals hélt áfram í Garðabænum „Höfðum mýmörg tækifæri til að klára þennan leik miklu fyrr“ „Fyrst og fremst bara ekki nógu sáttur með mína menn“ Gísli Þorgeir bar af í Íslendingaslag kvöldsins Haukar áfram á toppnum með fullt hús stiga Fram áfram með fullt hús Bjarki Már og Orri Freyr með stórsigra í Meistaradeildinni Uppgjörið: FH - ÍBV 33-30 | Góður kafli í fyrri hálfleik skilaði sigri FH-inga Framarar flæktir í óskýrum reglum HSÍ: „Þetta er alveg galið dæmi“ Haukur komið að nítján mörkum í fyrstu tveimur leikjunum í Meistaradeildinni Selfoss átti lítið í Íslandsmeistara Vals „Stefnum á að vera í þessum efri hluta“ Uppgjörið: ÍR - ÍBV 22-22 | Heimakonur komnar á blað Haukur magnaður í sigri á Viktor Gísla og félögum Alfa Brá og Katrín Anna í landsliðið Tímabilið byrjar vel hjá Bjarka sem varð markahæstur í stórsigri Gummersbach gaf mikið eftir í seinni hálfleik Íslendingaliðið byrjar vel í titilvörninni Rakel Dögg: Lokuðum vel varnarlega og Alfa skildi liðin að sóknarlega Uppgjörið: Fram - Haukar 27-26 | Heimakonur unnu æsispennandi leik Fyrsti sigurinn hjá bæði Stjörnukonum og Framkörlum Segir að Haukur Þrastar geti gert mikið fyrir íslenska landsliðið á HM í janúar Stjarnan sótti ekki gull í greipar Eyjamanna „Þurfum að vera fljótir að læra“ Valur ekki í vandræðum í Vestmannaeyjum Íslenskt markaflóð í Svíþjóð Sjá meira
Stella Sigurðardóttir var hetja Framara í kvöld þegar Framkonur tryggðu sér oddaleik á móti Val í úrslitaeinvígi N1 deildar kvenna í handbolta. Fram vann leikinn 18-17 og jafnaði þar með einvígið í 2-2. Stella skoraði níu mörk í leiknum - þar á meðal sigurmarkið nokkrum sekúndum fyrir leikslok. Stella endaði líka fyrri hálfleikinn á því að skora beint úr aukakasti þegar leiktíminn var liðinn og náði þá að minnka muninn í 8-7 en Valsliðið var 8-5 yfir þegar rúm mínúta var til hálfleiks. Valsliðið var 16-14 yfir þegar tíu mínútur voru eftir af leiknum en Fram sýndi karakter og tryggði sér fimmta leikinn með góðum endaspretti þar sem Guðrún Ósk Maríasdóttir varði frábærlega í markinu. Heilt yfir var boðið upp á frábæra skemmtun og flottan handbolta í Safamýrinni í kvöld. Varnarleikur og markvarsla voru í aðalhlutverki eins og áður í þessari rimmu en bæði lið héldu sig við 6-0 varnir sem voru oft á tíðum frábærar. Sást það einna best á því að Valur skoraði sitt fyrsta mark gegn uppstilltri vörn Fram á 27. mínútu leiksins. Valur spilaði líka frábæra vörn og markverðir beggja liða - þær Guðrún Ósk og Guðný Jenný Ásmundsdóttir - voru í essinu sínu. Seinni hálfleikur var í meira jafnvægi og eftir því sem leikmenn þreyttust urðu mörkin fjölbreyttari. Liðin skiptust á að vera í forystu en Fram gerði það sem þurfti á hárréttum tíma. Valur hélt sér inni í leiknum með því að sækja hratt á andstæðinginn þegar færi gafst en þær voru líka afar öflugar í því að koma sér til baka og loka á nánast allar hraðaupphlaupsaðgerðir Framara. Heimamenn skoruðu aðeins eitt mark úr hraðaupphlaupi allan leikinn - þrátt fyrir að hafa spilað frábæra vörn og fengið góða markvörslu. Framarar þurfa líklega að vera duglegri að refsa fyrir mistök Vals í oddaleiknum ætli þeir sér að taka titilinn með sér heim í Safamýrina. Valskonur hafa margsinnis sýnt hversu öflugar þær eru á ögurstundu, sér í lagi á heimavelli. En miðað við leiki liðanna í rimmunni hingað til er von á öllu í oddaleiknum, sem verður á laugardaginn næstkomandi.Stella: Ekki hægt að biðja um meira „Þetta var geðveikur sigur og ekki hægt að biðja um meira fyrir áhorfendur en að fá sigurmark á lokasekúndunum. Þetta var mjög sætt," sagði Stella Sigurðardóttir, hetja Framara í kvöld. Hún skoraði níu mörk í kvöld, þar af sigurmarkið þegar þrjár sekúndur voru eftir af leiknum. „Mér fannst okkur ganga vel, heilt yfir. Varnarleikurinn var fínn á köflum, þó svo að við hefðum misst einbeitinguna aðeins inn á milli. Það má ekki gegn liði eins og Val." „Nú verðum við bara að halda áfram að spila okkar bolta - og öflugan varnarleik. Við þurfum líka að vera duglegri í að keyra á þær en það að er ljóst að þetta verður erfitt í oddaleiknum." Stella segist ekki vera þreytt þrátt fyrir allt álagið. „Nei, nei. Ég var aðeins tognuð í síðasta leik en var í góðu lagi í kvöld."Einar: Loksins datt þetta okkar megin „Þetta var alveg svakalega sætt," sagði Einar Jónsson, þjálfari Fram, eftir leikinn. „Stella sagði í leikhlénu [fyrir lokasóknina] að hún myndi skora og hún gerði það. Það var alveg rosalega ljúft að sjá boltann liggja í netinu. Loksins datt þetta okkar megin eftir öll þau skipti sem þetta hefur legið fyrir Valsmönnum." Stella skoraði einnig mark í lok fyrri hálfleiks, en þá beint úr aukakasti eftir að leiktíminn var liðinn. „Ég var nú búinn að gleyma því marki," sagði Einar og brosti. „En það taldi aldeilis. Hún gerði þetta mjög vel." „En það eru allir að tala um Stellu. Það má ekki gleyma því að ég er með marga frábæra leikmenn og við spilum sem heild. Við spiluðum frábæran varnarleik og það er það sem skiptir máli," sagði hann. „Það voru margir að tala um eftir síðasta leik að við vorum léleg þá. En við skoruðum bara einu marki meira í kvöld. Þetta snýst aðallega um mörk og varnarleik og við vorum góð í kvöld." Fram spilaði glimrandi góðan varnarleik í fyrri hálfleik. Valur skoraði ekki gegn uppstilltri vörn Fram fyrr en fáar mínútur voru eftir af fyrri hálfleik. „En við vorum sem óánægð með fyrri hálfleik að mörgu leyti. Við gerðum of mikið af mistökum. Við nýttum færin okkar illa, hentum boltanum í þeirra hendur og þær náðu að skora. Varnarleikurinn var þó góður." „Við áttum mikið inni fyrir þennan leik og ég held að við eigum enn töluvert inni. Við getum enn bætt okkur og ég tel að við séum ekki búin að toppa."Stefán: Flottur leikur Stefán Arnarssson, þjálfari Vals, var óánægður með tapið í kvöld en sáttur við margt í leik sinna manna. „Bæði lið fóru hægt af stað í sókninni en spiluðu góða vörn," sagði hann. „Þetta var heilt yfir flottur leikur. Það eina sem ég er svekktur með er að hafa tapað honum." Hann var óánægður með lokamínúturnar í báðum hálfleikjum. „Í fyrri hálfleik vorum við með þriggja marka forystu, 8-5, en fáum svo tvö mörk á okkur á lokamínútununni. Við vorum svo tveimur mörkum yfir þegar stutt var eftir en missum það líka niður og töpum svo leiknum á lokasekúndunum." „Vörn og markvarsla var góð hjá báðum liðum og það mun ráða úrslitum í þessari rimmu ásamt öðru - til dæmis hvort liðið skorar fleiri mörk úr hraðaupphlaupum. Við skoruðum til dæmis eingöngu mörk úr hraðaupphlaupum og seinni bylgjum fyrstu 25 mínúturnar í leiknum." „Við ræddum það svo í hálfleiknum og við löguðum það. Þá spiluðum við betri sóknarleik."Kristín: Verður áfram spennandi „Við vildum klára þetta í kvöld. En svona eru þessir leikir - þessi lið eru hnífjöfn," sagði leikstjórnandinn Kristín Guðmundsdóttir hjá Val eftir leikinn. Lítið var skorað í upphafi leiks en bæði lið léku öflugan varnarleik. „Það var smá stress í báðum liðum og auðvitað hefði sóknarleikurinn mátt vera betri. En svona verður þetta áfram og ég held að oddaleikurinn verði rosalegur. Síðustu leikir hafa verið gríðarlega spennandi og ég á ekki von á öðru en einhverju svipuðu á laugardaginn."
Olís-deild kvenna Mest lesið Guðmundur miður sín eftir stórtap: „Eitt það versta sem ég hef upplifað lengi“ Handbolti „Hún reif í mig og hraunaði yfir mig, á Marilegan hátt“ Sport Ósætti við úrelta löggjöf: „Sennilega eina þjóðin eftir í heiminum“ Sport „Vil miklu frekar eiga feril í MMA heldur en að vinna skrifstofustarf“ Sport Tyson segist ekki berjast vegna peninganna Sport Tekur með sér lifrarpylsu, grjónagraut og sviðasultu í bakgarðshlaupið Sport Víkingar spila á Íslandi í dagsbirtu Fótbolti Aðeins einn löglegur dúkur svo Valur og FH byrja saman í Krikanum Handbolti Óttast um öryggi fjölskyldunnar og neyðist til að flytja Sport Alexander-Arnold reynir að kaupa Nantes Enski boltinn Fleiri fréttir Aðeins einn löglegur dúkur svo Valur og FH byrja saman í Krikanum Arftaki Kristjáns óvænt hættur Guðmundur miður sín eftir stórtap: „Eitt það versta sem ég hef upplifað lengi“ Elín Klara og Sara Sif sáu um Stjörnuna Slæm byrjun Vals hélt áfram í Garðabænum „Höfðum mýmörg tækifæri til að klára þennan leik miklu fyrr“ „Fyrst og fremst bara ekki nógu sáttur með mína menn“ Gísli Þorgeir bar af í Íslendingaslag kvöldsins Haukar áfram á toppnum með fullt hús stiga Fram áfram með fullt hús Bjarki Már og Orri Freyr með stórsigra í Meistaradeildinni Uppgjörið: FH - ÍBV 33-30 | Góður kafli í fyrri hálfleik skilaði sigri FH-inga Framarar flæktir í óskýrum reglum HSÍ: „Þetta er alveg galið dæmi“ Haukur komið að nítján mörkum í fyrstu tveimur leikjunum í Meistaradeildinni Selfoss átti lítið í Íslandsmeistara Vals „Stefnum á að vera í þessum efri hluta“ Uppgjörið: ÍR - ÍBV 22-22 | Heimakonur komnar á blað Haukur magnaður í sigri á Viktor Gísla og félögum Alfa Brá og Katrín Anna í landsliðið Tímabilið byrjar vel hjá Bjarka sem varð markahæstur í stórsigri Gummersbach gaf mikið eftir í seinni hálfleik Íslendingaliðið byrjar vel í titilvörninni Rakel Dögg: Lokuðum vel varnarlega og Alfa skildi liðin að sóknarlega Uppgjörið: Fram - Haukar 27-26 | Heimakonur unnu æsispennandi leik Fyrsti sigurinn hjá bæði Stjörnukonum og Framkörlum Segir að Haukur Þrastar geti gert mikið fyrir íslenska landsliðið á HM í janúar Stjarnan sótti ekki gull í greipar Eyjamanna „Þurfum að vera fljótir að læra“ Valur ekki í vandræðum í Vestmannaeyjum Íslenskt markaflóð í Svíþjóð Sjá meira