Anton Sveinn McKee hafnaði í 20. sæti í 1500 m skriðsundi á EM í Debrecen í Ungverjalandi. Hann náði ekki að bæta Íslandsmet í greininni.
Anton synti á 15:39,63 mínútum sem er tólf sekúndum frá Íslandsmetinu sem hann setti á ÍM50 í síðasta mánuði. Þá tryggði hann sér OST-lágmark fyrir Ólympíuleikana en hann er þó talsvert frá OQT-lágmarki í greininni.
Anton keppir einnig í 800 m skriðsundi á EM en keppt verður í þeirri grein á fimmtudagsmorgun.
Anton náði ekki að bæta Íslandsmetið
