Fanndís Friðriksdóttir skoraði þrennu í 7-1 sigri Breiðabliks gegn Selfossi í 4. umferð Pepsi-deildar kvenna. Fanndís er markahæst í deildinni ásamt liðsfélaga sínum Rakel Hönnudóttur og virðist í fantaformi.
Kolbeinn Tumi Daðason fékk Ingvar Þór Kale, markvörð karlaliðs Breiðabliks, í lið með sér. Tilefnið var vítaspyrnukeppni í anda þeirra sem notast var við á árum áður í bandarísku knattspyrnunni. Þá byrja leikmenn með knöttinn af um 30 metra færi og hafa sex sekúndur til að koma boltanum framhjá markverðinum.
Bæði Fanndís og Ingvar voru kokhraust fyrir keppni en höfðu bæði ástæðu til að fagna í lok keppni. Sjón er sögu ríkari.
