Tökur á myndinni The Secret Life of Walter Mitty hér á landi hófust í gær. Ben Stiller, sem leikstýrir myndinni ásamt því að fara með aðalhlutverkið, var með lið sitt á Hellisheiðinni í gær.
Hann mun gera víðreist í framhaldinu, meðal annars um Vesturland. Í héraðsblaðinu Skessuhorni segir að Geirabakarí í Borgarnesi verði lokað frá morgundeginum til og með þriðjudags vegna upptöku á atriði á pitsustað.
Borgarnes.Mynd/GVAÞá herma fréttir að upptökur muni einnig fara fram á Borgarfjarðarbrúnni og að tökuliðið hafi leigt húsnæði menntaskólans í bænum meðan á tökum stendur.
Byrjað er að mála ráðhúsið í Stykkishólmi svart, sem mun breyta ásýnd bæjarins, því hingað til hefur þetta reysulega hús í hjarta bæjarins verið í ljósum lit.
