Valskonur tóku aftur toppsætið af Fram

Íslands- og bikarmeistarar Vals eru komnar aftur á toppinn í N1 deild kvenna eftir 11 marka sigur á Stjörnunni í Mýrinni í dag, 32-21. Fram vann Fylki á fimmtudaginn og komst á toppinn en Valsliðið tók aftur toppsætið með þessum sigri.

Valur og Fram hafa bæði átta stig af átta mögulegum en Valsliðið er með betri markatölu. Það verður bið eftir að liðin mætist því báðar innbyrðisviðureignir liðanna fara fram eftir áramót.

Stjörnuliðið stóð í Val til að byrja með og Valskonur voru "bara" með fjögurra marka forskot í hálfleik, 14-10. Valsliðið nýtti breiddina vel og gaf í eftir hlé.

Stjarnan - Valur 21-32

Mörk Stjörnunnar: Hanna Guðrún Stefánsdóttir 6, Helena Örvarsdóttir 5, Rakel Dögg Bragadóttir 3, Ágústa Edda Björnsdóttir 3, Sandra Sigurjónsdóttir 2, Aida Dorovic 1, Arna Dýrfjörð 1.

Mörk Vals: Þorgerður Anna Atladóttir 11, Dagný Skúladóttir 7, Anna Úrsúla Guðmundsdóttir 5, Hrafnhildur Skúladóttir 3, Rebekka Skúladóttir 2, Ragnhildur Rósa Guðmundsdóttir 2, Karólína Lárudóttir 1, Aðalheiður Hreinsdóttir 1.