Í gráum skugga

50 gráir skuggar, hin umtalaða metsölubók E.L. James, situr á toppi metsölulista Rannsóknarseturs verslunarinnar vikurnar 23. september til 6. október.

Í næstu sætum koma Létta leiðin eftir Ásgeir Ólafsson og Stóra Disney-heimilisréttabókin. Þýddar kiljur fylla næstu sjö sæti, fyrir utan ljósmyndabókina Iceland Small World, sem er í 7. sæti.

Búast má við hræringum á sölulistum bóka næstu vikurnar því nú fer í hönd viðamesti útgáfutími íslenskra skáldsagna, en nú þegar eru komnar út bækur eftir höfunda á borð við Álfrúnu Gunnlaugsdóttur, Ólaf Gunnarsson, Eirík Örn Norðdahl og Kristínu Ómarsdóttur.