Ákvað kjólinn á síðustu stundu

Forsetafrúin Michelle Obama geislaði þegar ljóst var að eiginmaður hennar, Barack Obama, hafði verið endurkjörinn forseti Bandaríkjanna.

Michelle klæddist fáguðum kjól frá Michael Kors og bar nælu frá Lavande Vintage. Michelle spreðaði ekki peningum í nýjan kjól því hún hefur klæðst þessum sama kjól tvisvar sinnum áður.

"Hún var svo upptekin að hún hafði engan tíma til að hugsa um dress þannig að hún ákvað sig á síðustu mínútu," segir aðili innan herbúða forsetahjónanna.

Michelle var fyrst í kjólnum í veislu í Hvíta húsinu árið 2009 og aftur í nóvember árið 2010.