Dreymir um Ledger

Leikkonan Michelle Williams sagði í viðtali við tímaritið GQ að of erfitt væri að svara spurningu blaðamanns um hvort hún ímyndaði sér einhvern tímann ef hún gæti byrjað aftur með hinum sáluga Heath Ledger. Þau eiga saman dótturina Matilda en hættu saman eftir að hún fæddist.

„Ég yrði of sorgmædd ef ég myndi svara því en það er samt eitt af því sem mér finnst skemmtilegast að ímynda mér. Það er í miklu uppáhaldi hjá mér að heimsækja þann stað,“ sagði Michelle, sem sér einnig eftir því að hafa ekki eignast fleiri börn með Ledger. Hún vann nýverið Golden Globe-verðlaunin fyrir hlutverk sitt í myndinni My Week with Marilyn sem fjallar um goðsögnina Marilyn Monroe.