Tryggja meirihluta Rammaáætlunar 23. mars 2012 06:30 urriðafoss Fyrirhuguð virkjun við Urriðafoss fer í biðflokk ásamt tveimur öðrum virkjunum í Þjórsá.fréttablaðið/anton fréttablaðið/anton Unnið er að því að tryggja þingmeirihluta fyrir Rammaáætlun um verndun og nýtingu náttúrusvæða. Áætlunin hefur verið afgreidd úr ríkisstjórn og er nú í þingflokkum stjórnarflokkanna. Tillögu verkefnisstjórnar er breytt og virkjanakostir færðir úr nýtingarflokki yfir í biðflokk. Unnið er að því að tryggja meirihluta málsins. „Rammaáætlun er á lokametrunum," sagði Svandís Svavarsdóttir umhverfisráðherra í byrjun febrúar. Þá var umsagnarferli um þingsályktunartillögu um áætlunina lokið og tillagan sjálf hafði verið boðuð í þinglega meðferð í janúar. Lokametrarnir virðast nokkuð langir, því tillagan hefur ekki enn litið dagsins ljós. Ástæða seinkunarinnar er tvíþætt. Í fyrsta lagi hefur verið kallað eftir frekari gögnum varðandi ýmsa virkjunarkosti, nokkuð sem að var stefnt í ferlinu öllu. Alls bárust 225 umsagnir um málið. Ekki síður mikilvæg skýring á töfinni er að reynt hefur verið að tryggja málinu meirihluta áður en það kemur fyrir þingið. Það hefur reynst þrautin þyngri. Tryggja máliðAlls er tekin afstaða til 66 virkjanakosta í þessum öðrum áfanga áætlunarinnar. Þeir eru flokkaðir í þrjá flokka: verndar-, nýtingar- og biðflokk. Reynt hefur verið að tryggja sátt um þessa skiptingu áður en málið fer fyrir Alþingi á ný. Ef það tekst ekki eru líkur á því að tekist verði á um einstaka kosti og það gæti hleypt málinu í uppnám. Eigi að klára áætlunina á þessu þingi er ljóst að trauðla gengur að deila um hvern og einn þessara 66 kosta. Þess vegna hefur verið reynt að ná sátt í stjórnarmeirihlutanum um málið í heild sinni. Líkt og sést hér til hliðar hefur þegar verið boðuð tillaga um breytingu á einstökum kostum. Ríkisstjórnin hefur því lagt áherslu á sátt um málið fyrir þinglega meðferð. Þar hafa tekist á sjónarmið þeirra sem vilja aukna verndun í þágu náttúrunnar og þeirra sem vilja aukna nýtingu og beita rökum atvinnusköpunar. Þjórsá í biðflokkRíkisstjórnin hefur afgreitt Rammaáætlunina og hún er nú til kynningar í þingflokkum stjórnarflokkanna. Gerðar eru nokkrar breytingar á tillögu verkefnastjórnarinnar. Þar ber hæst að allir þrír virkjanakostirnir í Þjórsá eru færðir úr nýtingarflokki og yfir í biðflokk, samkvæmt heimildum Fréttablaðsins. Þær herma að ætlunin sé að það verði um skamma hríð á meðan frekari gagna er aflað. Ljóst er að röksemdir um aðra nýtingu, til dæmis hugmyndir Orra Vigfússonar stjórnarformanns NASF, Verndarsjóðs villtra laxastofna, um að gera ána að umfangsmikilli laxveiðiá, hafa mikið að segja í því ferli. Þá er, samkvæmt heimildum Fréttablaðsins, einnig fyrirhugað að flytja eftirfarandi svæði á hálendinu í biðflokk: Hágöngur I og II og Strokköldu. Þá mun einnig vera fyrirhugað að Seltún, hluti Sveifluáss, fari í þann flokk, en það hefur ekki áhrif á nýtingu, þar sem ekki eru auðlindir á því litla svæði. Einnig hefur verið deilt um Reykjanesið og þær raddir gerst háværar að verndun þar verði umfangsmeiri. Samkvæmt þessum tillögum munu svæði þar verða nýtt til virkjana. Með nokkurri einföldun má því segja að virkjað verði á Reykjanesi en beðið með ákvörðun um virkjanir í Þjórsá. Þrettán ára ferliVinna við Rammaáætlun hófst vorið 1999 og hefur því staðið yfir í þrettán ár. Kostnaður við vinnuna nemur rúmum milljarði króna. Líkt og áður segir hefur áætlunin verið lengi á lokametrunum, en nú lítur út fyrir að hún fari að sjá dagsins ljós. Ætli ríkisstjórnin sér að klára málið á yfirstandandi þingi verður að leggja það fram fyrir 1. apríl, en þá rennur frestur fyrir ný þingmál út. Að öðrum kosti verður stjórnin að leita afbrigða til að málið komist á dagskrá og líkt og sást í tillögu um endurskoðun stjórnarskrár er ekki á vísan að róa í þeim efnum. Fréttir Mest lesið Sex fluttir á sjúkrahús eftir umferðarslys í Hörgársveit Innlent Kerecis bjargaði lífi skallaarnar í tæka tíð fyrir fjórða júlí Innlent Lítill munur á bitum bitmýs og lúsmýs Innlent Minnst þrettán látnir og tuttugu barna saknað eftir flóð í Texas Erlent Sósíalistum bolað úr Bolholti Innlent Lögregla hleypti manni inn sem hafði læst sig úti Innlent Nýtt bankaráð Seðlabankans skipað Innlent Sambýliskonan sem sá allt og bróðirinn sem þekkti ekki fjölskylduna Innlent „Þá fylgir það börnum í gegnum skólakerfið og út í samfélagið“ Innlent Inga mundaði skófluna við Sóltún Innlent Fleiri fréttir Kerecis bjargaði lífi skallaarnar í tæka tíð fyrir fjórða júlí Lögregla hleypti manni inn sem hafði læst sig úti Lítill munur á bitum bitmýs og lúsmýs Sex fluttir á sjúkrahús eftir umferðarslys í Hörgársveit Inga mundaði skófluna við Sóltún „Þá fylgir það börnum í gegnum skólakerfið og út í samfélagið“ Nýtt bankaráð Seðlabankans skipað Sósíalistum bolað úr Bolholti Sýknaður af kæru Samtakanna 78 um hatursorðræðu Lokametrar, bútasaumur og Starbucks Veiðigjaldið aftur í nefnd og viðræður komnar á lokametra Lára snýr sér að kynningarstörfum fyrir HR Bætti þúsund tonnum í strandveiðipottinn Skellt upp úr í þingsal þegar ráðherra reyndi að mynda hjarta Rúv vildi Ísraelsmenn burt en þeir sluppu með skrekkinn í bili Lögðu hald á mikið magn fíkniefna og fleiri milljónir Eiríkur, Eyvindur og Þorbjörg sækjast eftir dómaraskikkjunni Samfylking tekur aftur fram úr Sjálfstæðisflokki Skoða málið en hafa ekki tekið endanlega ákvörðun um aðgerðir Stór ferðahelgi framundan og bæjarhátíðir víða um land Skjálfti að stærð 3,6 í Bárðarbungu Þingmenn upplitsdjarfir Öðrum þeirra handteknu sleppt úr haldi Þokast í samkomulagsátt á þingi Sakfelldur en ekki gerð refsing fyrir að bana móður sinni Tveir handteknir eftir húsleit í Laugardal og Kópavogi Bandaríska sendiráðið elur á ótta við hælisleitendur og útlendinga Vonast til að samkomulag náist innan skamms, vonandi í dag Sambýliskonan sem sá allt og bróðirinn sem þekkti ekki fjölskylduna Engar fréttir af þinglokum en veiðigjöldin ekki á dagskrá í dag Sjá meira
Unnið er að því að tryggja þingmeirihluta fyrir Rammaáætlun um verndun og nýtingu náttúrusvæða. Áætlunin hefur verið afgreidd úr ríkisstjórn og er nú í þingflokkum stjórnarflokkanna. Tillögu verkefnisstjórnar er breytt og virkjanakostir færðir úr nýtingarflokki yfir í biðflokk. Unnið er að því að tryggja meirihluta málsins. „Rammaáætlun er á lokametrunum," sagði Svandís Svavarsdóttir umhverfisráðherra í byrjun febrúar. Þá var umsagnarferli um þingsályktunartillögu um áætlunina lokið og tillagan sjálf hafði verið boðuð í þinglega meðferð í janúar. Lokametrarnir virðast nokkuð langir, því tillagan hefur ekki enn litið dagsins ljós. Ástæða seinkunarinnar er tvíþætt. Í fyrsta lagi hefur verið kallað eftir frekari gögnum varðandi ýmsa virkjunarkosti, nokkuð sem að var stefnt í ferlinu öllu. Alls bárust 225 umsagnir um málið. Ekki síður mikilvæg skýring á töfinni er að reynt hefur verið að tryggja málinu meirihluta áður en það kemur fyrir þingið. Það hefur reynst þrautin þyngri. Tryggja máliðAlls er tekin afstaða til 66 virkjanakosta í þessum öðrum áfanga áætlunarinnar. Þeir eru flokkaðir í þrjá flokka: verndar-, nýtingar- og biðflokk. Reynt hefur verið að tryggja sátt um þessa skiptingu áður en málið fer fyrir Alþingi á ný. Ef það tekst ekki eru líkur á því að tekist verði á um einstaka kosti og það gæti hleypt málinu í uppnám. Eigi að klára áætlunina á þessu þingi er ljóst að trauðla gengur að deila um hvern og einn þessara 66 kosta. Þess vegna hefur verið reynt að ná sátt í stjórnarmeirihlutanum um málið í heild sinni. Líkt og sést hér til hliðar hefur þegar verið boðuð tillaga um breytingu á einstökum kostum. Ríkisstjórnin hefur því lagt áherslu á sátt um málið fyrir þinglega meðferð. Þar hafa tekist á sjónarmið þeirra sem vilja aukna verndun í þágu náttúrunnar og þeirra sem vilja aukna nýtingu og beita rökum atvinnusköpunar. Þjórsá í biðflokkRíkisstjórnin hefur afgreitt Rammaáætlunina og hún er nú til kynningar í þingflokkum stjórnarflokkanna. Gerðar eru nokkrar breytingar á tillögu verkefnastjórnarinnar. Þar ber hæst að allir þrír virkjanakostirnir í Þjórsá eru færðir úr nýtingarflokki og yfir í biðflokk, samkvæmt heimildum Fréttablaðsins. Þær herma að ætlunin sé að það verði um skamma hríð á meðan frekari gagna er aflað. Ljóst er að röksemdir um aðra nýtingu, til dæmis hugmyndir Orra Vigfússonar stjórnarformanns NASF, Verndarsjóðs villtra laxastofna, um að gera ána að umfangsmikilli laxveiðiá, hafa mikið að segja í því ferli. Þá er, samkvæmt heimildum Fréttablaðsins, einnig fyrirhugað að flytja eftirfarandi svæði á hálendinu í biðflokk: Hágöngur I og II og Strokköldu. Þá mun einnig vera fyrirhugað að Seltún, hluti Sveifluáss, fari í þann flokk, en það hefur ekki áhrif á nýtingu, þar sem ekki eru auðlindir á því litla svæði. Einnig hefur verið deilt um Reykjanesið og þær raddir gerst háværar að verndun þar verði umfangsmeiri. Samkvæmt þessum tillögum munu svæði þar verða nýtt til virkjana. Með nokkurri einföldun má því segja að virkjað verði á Reykjanesi en beðið með ákvörðun um virkjanir í Þjórsá. Þrettán ára ferliVinna við Rammaáætlun hófst vorið 1999 og hefur því staðið yfir í þrettán ár. Kostnaður við vinnuna nemur rúmum milljarði króna. Líkt og áður segir hefur áætlunin verið lengi á lokametrunum, en nú lítur út fyrir að hún fari að sjá dagsins ljós. Ætli ríkisstjórnin sér að klára málið á yfirstandandi þingi verður að leggja það fram fyrir 1. apríl, en þá rennur frestur fyrir ný þingmál út. Að öðrum kosti verður stjórnin að leita afbrigða til að málið komist á dagskrá og líkt og sást í tillögu um endurskoðun stjórnarskrár er ekki á vísan að róa í þeim efnum.
Fréttir Mest lesið Sex fluttir á sjúkrahús eftir umferðarslys í Hörgársveit Innlent Kerecis bjargaði lífi skallaarnar í tæka tíð fyrir fjórða júlí Innlent Lítill munur á bitum bitmýs og lúsmýs Innlent Minnst þrettán látnir og tuttugu barna saknað eftir flóð í Texas Erlent Sósíalistum bolað úr Bolholti Innlent Lögregla hleypti manni inn sem hafði læst sig úti Innlent Nýtt bankaráð Seðlabankans skipað Innlent Sambýliskonan sem sá allt og bróðirinn sem þekkti ekki fjölskylduna Innlent „Þá fylgir það börnum í gegnum skólakerfið og út í samfélagið“ Innlent Inga mundaði skófluna við Sóltún Innlent Fleiri fréttir Kerecis bjargaði lífi skallaarnar í tæka tíð fyrir fjórða júlí Lögregla hleypti manni inn sem hafði læst sig úti Lítill munur á bitum bitmýs og lúsmýs Sex fluttir á sjúkrahús eftir umferðarslys í Hörgársveit Inga mundaði skófluna við Sóltún „Þá fylgir það börnum í gegnum skólakerfið og út í samfélagið“ Nýtt bankaráð Seðlabankans skipað Sósíalistum bolað úr Bolholti Sýknaður af kæru Samtakanna 78 um hatursorðræðu Lokametrar, bútasaumur og Starbucks Veiðigjaldið aftur í nefnd og viðræður komnar á lokametra Lára snýr sér að kynningarstörfum fyrir HR Bætti þúsund tonnum í strandveiðipottinn Skellt upp úr í þingsal þegar ráðherra reyndi að mynda hjarta Rúv vildi Ísraelsmenn burt en þeir sluppu með skrekkinn í bili Lögðu hald á mikið magn fíkniefna og fleiri milljónir Eiríkur, Eyvindur og Þorbjörg sækjast eftir dómaraskikkjunni Samfylking tekur aftur fram úr Sjálfstæðisflokki Skoða málið en hafa ekki tekið endanlega ákvörðun um aðgerðir Stór ferðahelgi framundan og bæjarhátíðir víða um land Skjálfti að stærð 3,6 í Bárðarbungu Þingmenn upplitsdjarfir Öðrum þeirra handteknu sleppt úr haldi Þokast í samkomulagsátt á þingi Sakfelldur en ekki gerð refsing fyrir að bana móður sinni Tveir handteknir eftir húsleit í Laugardal og Kópavogi Bandaríska sendiráðið elur á ótta við hælisleitendur og útlendinga Vonast til að samkomulag náist innan skamms, vonandi í dag Sambýliskonan sem sá allt og bróðirinn sem þekkti ekki fjölskylduna Engar fréttir af þinglokum en veiðigjöldin ekki á dagskrá í dag Sjá meira