Taska ársins

Helstu tískumiðlar kusu handtösku frá Céline sem tösku ársins 2012. Taskan, sem ber nafnið Céline Luggage Tote, hefur svo sannarlega farið sigurför um heiminn síðan Womans Wear Daily útnefndi hana sem tösku tískuvikunnar í New York í febrúar í fyrra. Það er ekkert lát á vinsældum töskunnar en hún hefur sést á öllum skærustu stjörnum Hollywood og á helstu tískubloggurum.

Í tískuheiminum koma reglulega fram töskur sem verða afar eftirsóttar í einhvern tíma, en það virðist ekki vera neitt lát á vinsældum Céline töskunnar góðu. Hún er til í mörgum litum, stærðum og gerðum. Margar tískudrósir hafa tekið miklu ástfóstri við hana og jafnvel sést með hinar ýmsu útfærslur.