Audi hefur selt 5 milljón Quattro bíla

Í fyrra voru 43% allra seldra Audi bíla með Quattro fjórhjóladrifi.

Á mánudaginn síðastliðinn rúllaði fimm milljónasti bíll Audi af færiböndunum sem útbúinn er með Quattro fjórhjóladrifinu. Það tók reyndar 33 ár að ná þessu marki, en enginn annar lúxusbílabílaframleiðandi hefur náð viðlíka sölu á fjórhjóladrifsbílum.

Saga Quattro fjórhjóladrifsins hófst árið 1980 og birtist í hinum goðsagnarkennda Audi Quattro bíl sem varð svo sigursæll í rallakstri næstu árin. Frá því hefur Quattro fjórhjóladrif Audi verið boðið í 140 mismunandi gerðum bíla Audi á þessum 33 árum. Margar gerðir Audi bíla er eingöngu seldir með Quattro fjórhjóladrif. Það eru Audi Q7, R8, A4 allroad, A6 allroad og allir S and RS bílar Audi. Hinsvegar er hægt að fjórhjóladrifið góða í öllum öðrum gerðum Audi bíla.

Quattro fjórhjóladrif Audi þykir einstakt af gæðum og tryggir bílum þeirra sportlega eiginleika, rásfestu, drifgetu, stöðugleika og öryggi við akstur þeirra. Mörgum er minnisstætt þegar Audi 100 CC bíll með Quattro fjórhjóladrifi kleif upp skíðastökkpallinn í Kaipola í Finnlandi árið 1986 og sýnt var í auglýsingu frá Audi. Þótti það næsta ógerlegt og magnað að ekki voru nein brögð í tafli.

Í flestra augum er engin aðgreining á milli orðsins Audi og Quattro, svo samofið er Quattro fjórhjóladrifið nafni Audi. Í fyrra voru 43% allra Audi bíla með Quattro fjórhjóladrif og hefur aldrei verið hærra. Mest selda einstaka gerðin með fjórhjóladrifinu er Q5 jepplingurinn en hann seldist í 205.600 eintökum í fyrra. Fræðast má meira um sérstæðu Quattro fjórhjóladrifsins í myndskeiðinu að ofan.