Átta Ástralir höfðu endað í öðru sæti á Mastersmótinu

Adam Scott endurskrifaði sögu ástralska kylfinga í gær með því að verða fyrsti Ástralinn til að vinna Mastersmótið í golfi. Fram að þessu leit hreinlega út fyrir að það lægju álög á áströlskum kylfingum á þessu fornfræga móti.

Adam Scott var fyrir þetta mót einn af þeim Áströlum sem höfðu endaði í öðru sæti á Mastersmótinu en hann varð í 2. sæti fyrir tveimur árum ásamt landa sínum Jason Day. Jason Day var einnig meðal efstu manna í gær og endaði að lokum í þriðja sæti.

Frægasta dæmið um "álögin" var lokahringur Greg Norman á mótinu 1996. Norman var með sex högga forskot fyrir lokahringinn en lék þá á 78 höggum og endaði því fimm höggum á eftir sigurvegaranum Nick Faldo.

Tíu árum áður hafði Greg Norman endaði aðeins einu höggi á eftir Jack Nicklaus og 1987 tapaði Norman eftir umspil. Það var því kannski ekki skrýtið að Adam Scott heiðraði hinn litríka landa sinn Greg Norman eftir að hafa náð fyrstur Ástrala að klæðast græna jakkanum.

Jim Ferrier, fyrsti Ástralinn sem endaði í öðru sæti á Mastersmótinu, var með þriggja högga forskot fyrir lokahringinn árið 1950 en lék á 75 höggum á síðasta deginum og tapaði titlinum til Jimmy Demaret.

Hér fyrir neðan má sjá þá áströlsku kylfinga sem höfðu rétt misst af græna jakkanum.

Ástralir sem höfðu endaði í 2. sæti á Mastersmótinu:

2011    Adam Scott

2011    Jason Day

1996    Greg Norman

1987    Greg Norman

1986    Greg Norman

1980    Jack Newton

1972    Bruce Crampton

1950    Jim Ferrier