Bieber hunsar ömmu sína og afa

George Bieber, afi tónlistarmannsins Justins Biebers, er ekki parsáttur við afabarnið sitt. George er afar veikur og fær enga hjálp frá poppprinsinum.

George og kona hans Kathy sofa á skítugri dýnu í litlum bústað í Mitchell í Kanada og hafa lítið á milli handanna þar sem George er óvinnufær vegna bakmeiðsla. George segir, í samtali við The Sun, að Justin viti upp á hár hve skítt þau hafi það.

“Justin er kannski sjötíu milljóna dollara virði en við höfum ekki séð krónu af þeim peningum,” segir George. Hann bætir við að honum sárni hvernig Justin sé búinn að hunsa þau hjónin í gegnum árin en eina gjöfin sem þau hafa fengið frá söngvaranum er sjónvarp.

Dragðu Tarotspil dagsins hér.