Magnús og Ester áfram í Eyjum

Handboltaparið Magnús Stefánsson og Ester Óskarsdóttir hafa bæði framlengt samninga sína við ÍBV um tvö ár.

Magnús var lykilmaður í liði ÍBV sem vann sér sæti í efstu deild karla í vor. Hann var til að mynda valinn besti varnarmaður deildarinnar í vetur.

Ester eignaðist sitt annað barn í haust en var komin aftur á gott ról undir lok tímabilsins. Kvennalið ÍBV mætir nokkuð breytt til leiks næsta haust og víst að Ester mun gegna mikilvægu hlutverki næsta vetur.