Gísli hafnaði í öðru sæti eftir bráðabana

Gísli Sveinbergsson, GK, varð í öðru sæti í flokki 15-16 ára á finnska meistaramótinu í golfi sem lauk í dag. Hann missti naumlega af sigrinum eftir keppni í bráðabana.

Gísli spilaði frábærlega allt mótið og var á samtals tveimur höggum undir pari. Hann spilaði á 71 höggi í dag og fór í bráðabana gegn heimamanni, sem hafði betur þar.

Engu að síður var árangur hans frábær en þess má geta að margir aðrir íslenskir kylfingar náðu góðum árangri á mótinu, eins og sjá má hér:

Stúlkur, 14 ára og yngri:

12. sæti: Ólöf María Einarsdóttir, GHD (+35)

18. sæti: Gerður Ragnarsdóttir, GR (+53)

Stúlkur, 15-16 ára:

10. sæti: Ragnhildur Kristinsdóttir, GR (+22)

16. sæti: Birta Dís Jónsdóttir, GHD (+28)

Drengir, 14 ára og yngri:

13. sæti: Kristján Benedikt Sveinsson, GHD (+20)

13. sæti: Arnór Snær Guðmundsson, GHD (+20)

Drengir, 15-16 ára:

2. sæti: Gísli Sveinbergsson, GK (-2)

8. sæti: Kristófer Orri Þórðarson, GKG (+7)

21. sæti: Birgir Björn Magnússon, GK (+15)

21. sæti: Fannar Ingi Steingrímsson, GHG (+15)

24. sæti: Óðinn Þór Ríkharðsson, GKG (+16)

30. sæti: Henning Darri Þórðarson, GK (+20)