Hvernig semja má hipster-slagara

Vefsíðan Buzzfeed birti nýverið kennslumyndband um hvernig megi semja svokallaðan „hipster“ slagara í anda hljómsveita á borð við Vampire Weekend, Arcade Fire og Architecture in Helsinki.

Samkvæmt því sem kemur fram í myndbandinu skulu slík lög innihalda lófaklapp, nokkur „hei!“ og grípandi viðlag sem endurtekið er í síbylju. Textinn skal aftur á móti að fjalla um týnda æsku eða óttann við að fullorðnast.

Hér að neðan má sjá myndbandið og ættu nú allir að geta samið skemmtilegt og grípandi lag.