Drátturinn í bikarkeppni HSÍ

Nú í hádeginu var dregið í sextán liða úrslit í bikarkeppni HSÍ - Coca Cola-bikarnum. Aðeins ein úrvalsdeildarviðureign verður í þessari umferð.

Það er viðureign Akureyrar og HK. Svo er Hafnarfjarðarslagur hjá ÍH og FH.

Gömlu kempurnar í Val2 spila við aðallið Vals og verður áhugavert að sjá hvaða kempur spila fyrir Valsmenn.

ÍR þarf síðan að rúlla norður og glíma við Völsunga. Leikirnir fara fram 8. og 9. desember.

Drátturinn:

Akureyri - HK

Grótta - Selfoss

ÍH - FH

Víkingur - Haukar

Valur 2 - Valur

Haukar 2 - ÍBV

Afturelding - Fram

Völsungur - ÍR