Sannleikurinn: Yfirmaður hjá RÚV býr frítt eins og forsetinn

Kristín Harpa Hálfdánardóttir er staðarhaldari í húsi í eigu Ríkisútvarpsins á Vatnsendahæð. Hún og fjölskylda hennar fá að búa þar frítt en í staðinn þarf hún að gera varla neitt. Hún segir það fjölbreytt og erfitt.

Hún þarf að kíkja við heima hjá sér tvisvar á dag til að athuga hvort allt sé ekki í lagi og stundum pípir eitthvað tæki og þá þarf hún að hringja og láta einhvern vita.

„Ég var bara beðin um að búa frítt hér. Ég borga ekki leigu en ég borga hlunnindi af þessu. Veit reyndar ekki hversu há sú upphæð er sem bendir til þess að það sé eitthvað smávægilegt,“ segir Kristín Harpa Hálfdánardóttir, yfirmaður íþróttadeildar RÚV, sem líkt og forseti Íslands býr frítt á kostnað skattborgara.

„Sem yfirmaður íþrótta hérna á RÚV má færa rök fyrir því að ég sé nokkurskonar sameiningartákn þjóðarinnar. Það er ekkert óeðlilegt við þetta fyrirkomulag. Ég bara fæ þetta frítt og þið borgið. Eðlilegt fyrirkomulag hjá ríkisstofnun.“





Sannleikurinn rekur öfluga og óvæga fréttastofu þar sem engum er hlíft og sannleikurinn skiptir ekki höfuðmáli. Sannleikurinn er háður öllum stjórnmálaflokkum og hagsmunaaðilum um fréttaefni sitt. Fréttastofa Sannleikans hefur Facebook-síðu en þar á Kristín sumarbústað.