Helgarmaturinn - Girnilegur kjúklingaborgari með mangósalsa

Ari Már Heimisson deildi með Lífinu, girnilegri uppskrift af hollum kjúklingaborgara sem er tilvalinn fyrir alla fjölskylduna.  

4 ferskar kjúklingabringur

1 mangó

3-4 tómatar

½ rauðlaukur

3-4 hvítlauksgeirar

½ búnt kóríander, ferskt

1 stk. lime

1 poki klettasalat

Brauðbollur frá Polarbröd

4 bökunarkartöflur, stórar

Salt og pipar

Paprikukrydd

½ líter létt ab-mjólk

1 dl olía

Mangósalsa: Skerið mangó, rauðlaukinn, og tómatana í litla bita.

Saxið einn hvítlauksgeira og koríander og blandið saman við. Limesafi er kreistur yfir og kryddað með örlitlu salti og pipar.

Hvítlaukssósa: Hellið ab-mjólkinni í skál, pressið restina af hvítlauknum saman við og kryddið létt með salti og pipar.

Grillið kjúklingabringurnar og kryddið með salti og pipar. Þegar kjúklingurinn er tilbúinn er hann skorinn í tvennt og borgaranum raðað saman með klettasalatinu, mangósalsanu og hvítlaukssósunni.

Kartöflubátar: Skerið kartöflurnar í tvennt og síðan í þunna báta. Setjið í ofnskúffu, kryddið með paprikukryddi, salti og pipar. Veltið þeim því næst upp úr olíunni.

Bakað í ofni á 200°C í ca. 20-25 mín eða þar til þær eru orðnar mjúkar í gegn. Gott er að byrja á að gera kartöflurnar áður en kjúklingurinn er eldaður þar sem þær þurfa langan tíma í ofninum.