Alhliða fjárfestingu þarf í ferðaþjónustu Svavar Hávarðsson skrifar 10. september 2013 10:30 Ferðaþjónusta á Íslandi í hnotskurn? Byggja þarf upp innviði til að taka á móti einni til tveimur milljónum ferðamanna á næstu árum. Til þess eigum við langt í land. fréttablaðið/vilhelm Meiriháttar fjárfesting þarf að koma til í innviðum íslenskrar ferðaþjónustu á næstu árum ef svara á fjölgun erlendra ferðamanna ár frá ári. Ekkert minna en þjóðaráætlun þarf til ef uppbygging á að vera í samræmi við líklega fjölgun. Fjölgun ferðamanna var 22% á milli ára í lok ágúst. Þórður H. Hilmarsson, forstöðumaður fjárfestingasviðs Íslandsstofu, segir að núna sé horft til þess að vöxtur ferðaþjónustunnar verði sex til sjö prósent á ári, næstu árin. Rannsóknir á vegum Íslandsstofu sýni að ferðamannastaður eins og Ísland toppi á einhverjum tímapunkti, og því ekki hægt að reikna þennan vöxt til langrar framtíðar. „En það er eitt sem er alveg öruggt og það er að mikil þörf, sem fer vaxandi, er fyrir fjárfestingu í greininni.“ Þórður vitnar til rannsóknar PKF viðskiptaráðgjafar í Bretlandi þar sem kom fram að fjöldi ferðamanna á Íslandi væri ekki lengur það sem horfa ætti til, heldur að fjölga þeim sem eru eyðsluglaðari. Markaðsstarf til framtíðar ætti að taka hliðsjón af því. „En þessi hópur gerir kröfur um aðstöðu og aðbúnað í hæsta gæðaflokki og fjárfestingin sem þarf að koma til er í samræmi við það,“ segir Þórður. „Sameiginleg framtíðarsýn þeirra sem að þessu koma er mikilvæg og má segja að til þurfi þjóðaráætlun, svo allir séu að vinna að sama markmiði.“ Þórður bendir á að æskilegt sé að ríkið komi að uppbyggingu nýrra áfangastaða með því að gefa út að viðkomandi svæði séu fyrirhuguð til uppbyggingar. Það snerti samgöngur, aðbúnað og fleira. „Þannig má laða að fjárfestingu að svæðunum eftir að búið er að undirbúa jarðveginn í skipulagsmálum og fleiru.“ Spurður um tölur í þessu samhengi segir Þórður þær ekki liggja fyrir en um tugmilljarða sé að ræða til næstu ára. Gunnar Valur Sveinsson, verkefnastjóri hjá Samtökum ferðaþjónustunnar, sagði í viðtali við Morgunblaðið nýlega að ef vöxtur ferðaþjónustunnar héldist að jafnaði út áratuginn eins og í ár, þá komi rúmlega tvær milljónir erlendra ferðamanna til landsins árið 2020. Má í því sambandi minna á það að árið 2011 þótti mönnum rétt að landsmenn stefndu á að taka á móti milljón ferðamönnum árið 2020. „Það var leikur að tölum en það koma nú samt milljón ferðamenn til landsins árið 2015. Ekkert bendir til annars,“ segir Gunnar Valur og bætir við að í ágúst hafi vöxturinn á milli ára verið kominn í 22%. Hann segir að þróunin gefi tilefni til þess að innviðir ferðaþjónustunnar verði stórlega bættir og greinin verði að fá stuðning til að bregðast við. Svo hratt fjölgi ferðamönnum að bregðast verði við án tafar. Gunnar Valur segir allt undir; hvernig þessum fjölda fólks verði komið til landsins og síðan hvernig eigi að koma fólkinu um landið. Svara þurfi því hvernig uppbygging samgangna eigi að verða í þessu samhengi og öll skipulagning á einstökum svæðum. Um þetta hafi verið rætt í löngu máli, til dæmis gjaldtöku við náttúruperlur. „Innviðirnir eru lykilorðið hérna. Á sama tíma höfum við ekki aðgang að rannsóknum um hvernig þetta verður best gert. Það verður til dæmis að svara því hvað við eigum að gefa öllu þessu fólki að borða, og hvernig. Erum við með nóg af lambakjöti í landinu, ef við mátum okkur við 1,5 til tvær milljónir ferðamanna á ári. Ég er ekki viss um það,“ segir Gunnar Valur. „Hvað eigum við af starfsfólki til að sinna þessu verkefni, og svo framvegis.“ Árni Finnsson, formaður Náttúruverndarsamtaka Íslands, bendir á að ef fjárfesting í innviðum kemur ekki til á risaskala þá sé umhverfisslys í uppsiglingu. Alþekkt sé að þolmörk viðkvæmra náttúrusvæða séu þegar brostin. Innleiða verði nýja hugsun í greinina sem lýtur lögmálum sjálfbærrar nýtingar. Fréttaskýringar Mest lesið Hefur sætt umsáturseinelti í 14 ár: „Þetta hefur bara rústað lífi mínu“ Innlent Ástand á stúdentagörðum: Ítrekuð innbrot, mat stolið, dýnur í kjallara og hland á gólfi Innlent Fimm handteknir í aðgerðum sérsveitar Innlent Sérsveitin vaktaði heimili Snorra og fjölskyldu í nótt Innlent „Það kemur að því að við lendum í veseni“ Innlent Yfirgefið hreysi víkur fyrir hundrað íbúðum Innlent Lögregla hafi hlaupið á sig á Siglufirði: „Þetta eru einstök prúðmenni“ Innlent „Mér hefur aldrei verið sýnd jafn mikil vanvirðing“ Innlent Guðrún Björk Kristmundsdóttir hjá Bæjarins beztu er látin Innlent Öryrkjar í hlutastarfi oft tekjuhærri en fólk í fullu starfi Innlent Fleiri fréttir Sveitarstjórn reyni að skrá íbúa úr sveitarfélaginu og ógni grundvallarréttindum Skoða að efla geðheilbrigðisþjónustu á Austurlandi eftir röð áfalla Kjölur ekki á dagskrá Lögregla kölluð til eftir að bremsuvírar voru klipptir á reiðhjólum barna Hleypur 110 kílómetra á dag til að setja heimsmet Fólk deili lyfseðlum og „míkródósi“: „Við getum ekki réttlætt þá meðferð“ Deila lyfseðlum fyrir þyngdarstjórnunarlyf og undankeppni HM hefst Starfsfólk Alcoa vilji setja fyrirtækinu mörk Lögregla hafi hlaupið á sig á Siglufirði: „Þetta eru einstök prúðmenni“ Ætla að rannsaka meint undirboð á kísilmálmi „Mér hefur aldrei verið sýnd jafn mikil vanvirðing“ Hélt eiginkonu og fimm börnum í heljargreipum Breyta Korpuskóla til að anna eftirspurn í Klettaskóla Vegabætur á Vestfjörðum opni tækifæri í vetrarferðamennsku Vilja aðgerðir strax Ástand á stúdentagörðum: Ítrekuð innbrot, mat stolið, dýnur í kjallara og hland á gólfi „Geta verið dauðsföll, þú veist ekkert hvað er í þessu“ Öllum börnum undir sex mánaða boðin forvörn gegn RS veiru Vildu fá að vita hvort ríkisstyrkir hefðu farið í málsóknir gegn orkuframkvæmdum Vara við ólöglegum megrunarlyfjum sem eru í umferð Konan er fundin Sextán ára kveikti í herbergi sínu Þremur sleppt úr haldi og brotaþoli útskrifaður „Það kemur að því að við lendum í veseni“ Ekki hægt að þaga þegar stjórnmálamenn leika sér að því að særa fram tröllin 252,6 milljónir runnið í ríkissjóð úr dánarbúum án lögerfingja á tíu árum Þrjú söfn í eina sæng Yfirgefið hreysi víkur fyrir hundrað íbúðum Líkamsárás á gistiheimili „Ekkert óeðlilegt við það að endurskoða þetta kerfi“ Sjá meira
Meiriháttar fjárfesting þarf að koma til í innviðum íslenskrar ferðaþjónustu á næstu árum ef svara á fjölgun erlendra ferðamanna ár frá ári. Ekkert minna en þjóðaráætlun þarf til ef uppbygging á að vera í samræmi við líklega fjölgun. Fjölgun ferðamanna var 22% á milli ára í lok ágúst. Þórður H. Hilmarsson, forstöðumaður fjárfestingasviðs Íslandsstofu, segir að núna sé horft til þess að vöxtur ferðaþjónustunnar verði sex til sjö prósent á ári, næstu árin. Rannsóknir á vegum Íslandsstofu sýni að ferðamannastaður eins og Ísland toppi á einhverjum tímapunkti, og því ekki hægt að reikna þennan vöxt til langrar framtíðar. „En það er eitt sem er alveg öruggt og það er að mikil þörf, sem fer vaxandi, er fyrir fjárfestingu í greininni.“ Þórður vitnar til rannsóknar PKF viðskiptaráðgjafar í Bretlandi þar sem kom fram að fjöldi ferðamanna á Íslandi væri ekki lengur það sem horfa ætti til, heldur að fjölga þeim sem eru eyðsluglaðari. Markaðsstarf til framtíðar ætti að taka hliðsjón af því. „En þessi hópur gerir kröfur um aðstöðu og aðbúnað í hæsta gæðaflokki og fjárfestingin sem þarf að koma til er í samræmi við það,“ segir Þórður. „Sameiginleg framtíðarsýn þeirra sem að þessu koma er mikilvæg og má segja að til þurfi þjóðaráætlun, svo allir séu að vinna að sama markmiði.“ Þórður bendir á að æskilegt sé að ríkið komi að uppbyggingu nýrra áfangastaða með því að gefa út að viðkomandi svæði séu fyrirhuguð til uppbyggingar. Það snerti samgöngur, aðbúnað og fleira. „Þannig má laða að fjárfestingu að svæðunum eftir að búið er að undirbúa jarðveginn í skipulagsmálum og fleiru.“ Spurður um tölur í þessu samhengi segir Þórður þær ekki liggja fyrir en um tugmilljarða sé að ræða til næstu ára. Gunnar Valur Sveinsson, verkefnastjóri hjá Samtökum ferðaþjónustunnar, sagði í viðtali við Morgunblaðið nýlega að ef vöxtur ferðaþjónustunnar héldist að jafnaði út áratuginn eins og í ár, þá komi rúmlega tvær milljónir erlendra ferðamanna til landsins árið 2020. Má í því sambandi minna á það að árið 2011 þótti mönnum rétt að landsmenn stefndu á að taka á móti milljón ferðamönnum árið 2020. „Það var leikur að tölum en það koma nú samt milljón ferðamenn til landsins árið 2015. Ekkert bendir til annars,“ segir Gunnar Valur og bætir við að í ágúst hafi vöxturinn á milli ára verið kominn í 22%. Hann segir að þróunin gefi tilefni til þess að innviðir ferðaþjónustunnar verði stórlega bættir og greinin verði að fá stuðning til að bregðast við. Svo hratt fjölgi ferðamönnum að bregðast verði við án tafar. Gunnar Valur segir allt undir; hvernig þessum fjölda fólks verði komið til landsins og síðan hvernig eigi að koma fólkinu um landið. Svara þurfi því hvernig uppbygging samgangna eigi að verða í þessu samhengi og öll skipulagning á einstökum svæðum. Um þetta hafi verið rætt í löngu máli, til dæmis gjaldtöku við náttúruperlur. „Innviðirnir eru lykilorðið hérna. Á sama tíma höfum við ekki aðgang að rannsóknum um hvernig þetta verður best gert. Það verður til dæmis að svara því hvað við eigum að gefa öllu þessu fólki að borða, og hvernig. Erum við með nóg af lambakjöti í landinu, ef við mátum okkur við 1,5 til tvær milljónir ferðamanna á ári. Ég er ekki viss um það,“ segir Gunnar Valur. „Hvað eigum við af starfsfólki til að sinna þessu verkefni, og svo framvegis.“ Árni Finnsson, formaður Náttúruverndarsamtaka Íslands, bendir á að ef fjárfesting í innviðum kemur ekki til á risaskala þá sé umhverfisslys í uppsiglingu. Alþekkt sé að þolmörk viðkvæmra náttúrusvæða séu þegar brostin. Innleiða verði nýja hugsun í greinina sem lýtur lögmálum sjálfbærrar nýtingar.
Fréttaskýringar Mest lesið Hefur sætt umsáturseinelti í 14 ár: „Þetta hefur bara rústað lífi mínu“ Innlent Ástand á stúdentagörðum: Ítrekuð innbrot, mat stolið, dýnur í kjallara og hland á gólfi Innlent Fimm handteknir í aðgerðum sérsveitar Innlent Sérsveitin vaktaði heimili Snorra og fjölskyldu í nótt Innlent „Það kemur að því að við lendum í veseni“ Innlent Yfirgefið hreysi víkur fyrir hundrað íbúðum Innlent Lögregla hafi hlaupið á sig á Siglufirði: „Þetta eru einstök prúðmenni“ Innlent „Mér hefur aldrei verið sýnd jafn mikil vanvirðing“ Innlent Guðrún Björk Kristmundsdóttir hjá Bæjarins beztu er látin Innlent Öryrkjar í hlutastarfi oft tekjuhærri en fólk í fullu starfi Innlent Fleiri fréttir Sveitarstjórn reyni að skrá íbúa úr sveitarfélaginu og ógni grundvallarréttindum Skoða að efla geðheilbrigðisþjónustu á Austurlandi eftir röð áfalla Kjölur ekki á dagskrá Lögregla kölluð til eftir að bremsuvírar voru klipptir á reiðhjólum barna Hleypur 110 kílómetra á dag til að setja heimsmet Fólk deili lyfseðlum og „míkródósi“: „Við getum ekki réttlætt þá meðferð“ Deila lyfseðlum fyrir þyngdarstjórnunarlyf og undankeppni HM hefst Starfsfólk Alcoa vilji setja fyrirtækinu mörk Lögregla hafi hlaupið á sig á Siglufirði: „Þetta eru einstök prúðmenni“ Ætla að rannsaka meint undirboð á kísilmálmi „Mér hefur aldrei verið sýnd jafn mikil vanvirðing“ Hélt eiginkonu og fimm börnum í heljargreipum Breyta Korpuskóla til að anna eftirspurn í Klettaskóla Vegabætur á Vestfjörðum opni tækifæri í vetrarferðamennsku Vilja aðgerðir strax Ástand á stúdentagörðum: Ítrekuð innbrot, mat stolið, dýnur í kjallara og hland á gólfi „Geta verið dauðsföll, þú veist ekkert hvað er í þessu“ Öllum börnum undir sex mánaða boðin forvörn gegn RS veiru Vildu fá að vita hvort ríkisstyrkir hefðu farið í málsóknir gegn orkuframkvæmdum Vara við ólöglegum megrunarlyfjum sem eru í umferð Konan er fundin Sextán ára kveikti í herbergi sínu Þremur sleppt úr haldi og brotaþoli útskrifaður „Það kemur að því að við lendum í veseni“ Ekki hægt að þaga þegar stjórnmálamenn leika sér að því að særa fram tröllin 252,6 milljónir runnið í ríkissjóð úr dánarbúum án lögerfingja á tíu árum Þrjú söfn í eina sæng Yfirgefið hreysi víkur fyrir hundrað íbúðum Líkamsárás á gistiheimili „Ekkert óeðlilegt við það að endurskoða þetta kerfi“ Sjá meira