Helgarmaturinn - Kókoskjúklingur með sojadressingu og berjasalati

Alma Geirdal, ljósmyndari og uppistandari, starfar á veitingahúsinu Gló. Hún hefur geysilega mikinn áhuga á hollum mat og góðum mat.

Alma segist oft hafa skemmtilegar uppskriftir í huganum og að þessu sinni deilir hún uppskrift að kókoskjúklingi með sojadressingu og berjasalati fyrir alla fjölskylduna sem er einstaklega ljúffengur og auðvelt að elda.

Uppskrift

Þrjú úrbeinuð kjúklingalæri

Ein og hálf teskeið kókosolía

Rifinn partur af engiferrót (eftir smekk)

1 stór tómatur

1 teskeið kóríanderduft

1 dós kókosmjólk

Smá sjávarsalt

Lúka af kókosflögum

Steikja kjúklingabita á pönnu (nota úrbeinuð læri, sem er besta kjötið á fuglinum) með kókosolíu, engifer og tómötum, salti og kóríander þangað til kjötið er búið að loka sér. Þá setja 1-2 dósir af kókosmjólk, fer eftir skammti.

Láta malla í allavega 30 mínútur.

Skreyta með kókosflögum og smátt söxuðum tómötum, spínat, goji-ber, vínber, appelsínur, döðlur, trönuber og kókos. Hella a.m.k. 1 dl af ólífuolíu yfir salatið og velta vel upp úr. Besta olían í kroppinn okkar.



DRESSING

Sojajógúrt, chili og mangó- dásemdardressing fyrir hollustuunnendur.