Skrifa fyrir sjálfa sig fimmtán ára Friðrika Benónýsdóttir skrifar 18. nóvember 2013 11:00 Kjartan Yngvi og Snæbjörn hafa unnið saman í þrjú og hálft ár og samvinnan skilaði þeim Íslensku barnabókaverðlaununum í fyrra. Fréttablaðið/Stefán Draumsverð, önnur bókin í Þriggja heima sögu þeirra Snæbjörns Brynjarssonar og Kjartans Yngva Björnssonar, er komin út. Fyrsta bókin, Hrafnsauga, vakti mikla athygli og hlaut meðal annars Íslensku barnabókaverðlaunin í fyrra. Draumsverð er beint framhald af Hrafnsauga, sömu persónur og sama saga heldur áfram,“ segir Kjartan Yngvi, beðinn að gera örlitla grein fyrir Draumsverði. „Þetta verður bókaflokkur sem óljóst er hversu langur verður, en allavega er ætlunin að klára þessa sögu.“ Draumsverð er doðrantur, 555 blaðsíður að lengd, og Kjartan Yngvi segir hana mun lengri en upphaflega hafi staðið til. „Hún átti að verða svipuð að stærð og Hrafnsauga, en svo var bara mikið að gerast og við þurftum að koma því til skila.“ Hvernig skiptið þið með ykkur verkum við skrifin? „Ég veit svo sem ekki hvort ég á að segja að það sé flókið eða einfalt,“ segir Kjartan Yngvi. „Við byrjum á því að setjast niður og tala okkur í gegnum söguþráðinn, hvað á að gerast og hvernig framvinda sögunnar á að vera. Það tekur nokkra fundi og þónokkrar klukkustundir. Síðan skiptum við hlutum bókarinnar á milli okkar, annar skrifar einn hlutann og hinn skrifar annan, síðan sendum við hlutana fram og til baka og endurskrifum og endurskrifum þangað til við erum orðnir sáttir við niðurstöðuna.“ Þannig að lesandinn hefur enga möguleika á að sjá hvor skrifar hvað? „Nei. Satt að segja erum við hættir að sjá það sjálfir,“ segir Kjartan Yngvi og glottir. Hvaðan kom þessi hugmynd? „Snæbjörn nálgaðist mig fyrir þónokkru síðan og vildi skrifa með mér bók eða bókaflokk. Í upphafi leit þetta reyndar allt öðruvísi út, en eins og gengur og gerist þróðaist hugmyndin með tíð og tíma. Núverandi hugmynd að flokknum er ekki nema sirka tveggja ára en það eru um það bil þrjú og hálft ár síðan samstarf okkar byrjaði. Við skrifum þessar bækur eiginlega til okkar sjálfra þegar við vorum fimmtán ára eða svo, þetta er það sem okkur fannst vanta þá.“ Kjartan Yngvi gefur ekki mikið fyrir þá kenningu að framrás fantasíunnar megi að einhverju leyti rekja til þess að Harry Potter-kynslóðin sé komin fram á ritvöllinn. „Nei, við vorum eiginlega á undan Harry Potter. Minn nördaferill hófst með Hringadróttinssögu sem ég las þegar ég var ellefu eða tólf ára og stendur enn yfir.“ Menning Mest lesið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Var talin vera hommi og lögð í einelti Lífið „Við munum ekki eldast saman“ Lífið Ísland með auga fuglsins Lífið Myndasyrpa úr Bakgarðshlaupinu Lífið Borðar það sem alltaf hefur verið til og léttist og léttist Lífið Krakkatían: Dýrin, heimsálfur og teiknimyndir Lífið Ein lausn er að liggja hlið við hlið og fróa sér Lífið Aldrei litið betur út þrátt fyrir alvarlegt slys Lífið Tæpur helmingur íbúa hefur séð myndina Bíó og sjónvarp Fleiri fréttir Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira
Draumsverð, önnur bókin í Þriggja heima sögu þeirra Snæbjörns Brynjarssonar og Kjartans Yngva Björnssonar, er komin út. Fyrsta bókin, Hrafnsauga, vakti mikla athygli og hlaut meðal annars Íslensku barnabókaverðlaunin í fyrra. Draumsverð er beint framhald af Hrafnsauga, sömu persónur og sama saga heldur áfram,“ segir Kjartan Yngvi, beðinn að gera örlitla grein fyrir Draumsverði. „Þetta verður bókaflokkur sem óljóst er hversu langur verður, en allavega er ætlunin að klára þessa sögu.“ Draumsverð er doðrantur, 555 blaðsíður að lengd, og Kjartan Yngvi segir hana mun lengri en upphaflega hafi staðið til. „Hún átti að verða svipuð að stærð og Hrafnsauga, en svo var bara mikið að gerast og við þurftum að koma því til skila.“ Hvernig skiptið þið með ykkur verkum við skrifin? „Ég veit svo sem ekki hvort ég á að segja að það sé flókið eða einfalt,“ segir Kjartan Yngvi. „Við byrjum á því að setjast niður og tala okkur í gegnum söguþráðinn, hvað á að gerast og hvernig framvinda sögunnar á að vera. Það tekur nokkra fundi og þónokkrar klukkustundir. Síðan skiptum við hlutum bókarinnar á milli okkar, annar skrifar einn hlutann og hinn skrifar annan, síðan sendum við hlutana fram og til baka og endurskrifum og endurskrifum þangað til við erum orðnir sáttir við niðurstöðuna.“ Þannig að lesandinn hefur enga möguleika á að sjá hvor skrifar hvað? „Nei. Satt að segja erum við hættir að sjá það sjálfir,“ segir Kjartan Yngvi og glottir. Hvaðan kom þessi hugmynd? „Snæbjörn nálgaðist mig fyrir þónokkru síðan og vildi skrifa með mér bók eða bókaflokk. Í upphafi leit þetta reyndar allt öðruvísi út, en eins og gengur og gerist þróðaist hugmyndin með tíð og tíma. Núverandi hugmynd að flokknum er ekki nema sirka tveggja ára en það eru um það bil þrjú og hálft ár síðan samstarf okkar byrjaði. Við skrifum þessar bækur eiginlega til okkar sjálfra þegar við vorum fimmtán ára eða svo, þetta er það sem okkur fannst vanta þá.“ Kjartan Yngvi gefur ekki mikið fyrir þá kenningu að framrás fantasíunnar megi að einhverju leyti rekja til þess að Harry Potter-kynslóðin sé komin fram á ritvöllinn. „Nei, við vorum eiginlega á undan Harry Potter. Minn nördaferill hófst með Hringadróttinssögu sem ég las þegar ég var ellefu eða tólf ára og stendur enn yfir.“
Menning Mest lesið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Var talin vera hommi og lögð í einelti Lífið „Við munum ekki eldast saman“ Lífið Ísland með auga fuglsins Lífið Myndasyrpa úr Bakgarðshlaupinu Lífið Borðar það sem alltaf hefur verið til og léttist og léttist Lífið Krakkatían: Dýrin, heimsálfur og teiknimyndir Lífið Ein lausn er að liggja hlið við hlið og fróa sér Lífið Aldrei litið betur út þrátt fyrir alvarlegt slys Lífið Tæpur helmingur íbúa hefur séð myndina Bíó og sjónvarp Fleiri fréttir Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira