Hamilton ók á vegg á fyrsta degi

Lewis Hamilton fékk enga draumabyrjun á nýju keppnistímabil í Formúlu 1 en hann ók á vegg á fyrsta degi æfinga á Jerez á Spáni.

Mercedes, lið Hamilton, var eitt þeirra liða sem kynntu nýjan bíl til sögunnar í dag en bilun í fremri væng mun hafa valdið árekstrinum í dag.

Hamilton slasaðist ekki í árekstrinum en fremri vængur bílsins mun hafa losnað af áður en hann missti stjórn á bílnum og ók á vegg í fyrstu beygju brautarinnar.

Hamilton er 29 ára gamall og varð heimsmeistari í Formúlu 1 með keppnisliði McLaren árið 2008.