Sannleikurinn: Vakti athygli á stöðu samkynhneigðra með því að sleikja rassgatið á Pútín

Ólafur Ragnar Grímsson, forseti hins íslenska lýðveldis, vísar alfarið á bug gagnrýni um að hann leggi blessun sína yfir mannréttindabrot í Rússlandi með för sinni þangað á Ólympíuleikana í Sochi. Hann fór bara út til að komast í fríhöfnina. Hann er auk þess hneykslaður á þeim sem segja hann hafa sent samkynhneigðum fingurinn með því að hafa hitt Pútín.

Þvert á móti hafi hann sýnt mikinn stuðning við lífsstíl samkynhneigðra manna með að sleikja rassgatið á Pútín við hvert fótmál og bendir á að það séu til ljósmyndir af því á fleiri en einum íslenskum fréttamiðli.

„Ég er búinn að vera hér að sleikja rassinn á þessum manni síðan fyrir helgi. Með því hef ég komið þeim skilaboðum á framfæri til annarra þjóða að forseti Íslands er ekki yfir það hafinn að taka „rimmu“ við Vladimir Pútín,“ segir Ólafur Ragnar.





Sannleikurinn rekur öfluga og óvæga fréttastofu þar sem engum er hlíft og sannleikurinn skiptir ekki höfuðmáli. Sannleikurinn er háður öllum stjórnmálaflokkum og hagsmunaaðilum um fréttaefni sitt. Fréttastofa Sannleikans hefur Facebook-síðu sem er hýr og kát.