Honda hættir framleiðslu Insight

Vart er hægt að tala um frægðarför tvinnbílsins Insight frá Honda en hann hefur keppt um hylli við Toyota Prius og tapað þeirri orrustu hressilega. Honda hefur ákveðið að hætta framleiðslu hans vegna dræmrar sölu bílsins.

Toyota hefur selt tíu sinnum fleiri Prius bíla en Honda af Insight þrátt fyrir að Honda Insight hafi verið kynntur kaupendum í Bandaríkjunum hálfu ári fyrr en Toyota hóf söluna á Prius. Var það rétt fyrir aldamótin síðustu.  

Insight er reyndar ekki eini bíllinn sem Honda hefur ákveðið að hætta framleiðslu á því það á einnig við tveggja dyra CR-Z bílinn. Ástæðan er sú sama, dræm sala. Helmingurinn af öllum seldum Honda Insight bílum seldust á heimamarkaðnum í Japan.

Honda á enn 237 daga lager af Insight svo kaupendum mun bjóðast bíllinn að mestu út árið, en bílaumboðum hefir verið sagt að ekki sé hægt að leggja inn fleiri pantanir í bílinn.

Sú staðreynd að Insight hverfi af sjónarsviðinu þýðir ekki að Honda muni ekki áfram bjóða tvinnbíla því bæði Civic og Accord verða áfram í boði sem tvinnbílar.