Bílar

Þriggja hjóla Yamaha

Finnur Thorlacius skrifar
Þriggja hjóla Yamaha.
Þriggja hjóla Yamaha.
Hvaða mótorhjólaframleiðandi ætlar ekki að taka þátt í þriggja hjóla æðinu sem nú virðist hafið? Yamaha hefu kynnt eitt slíkt hjól með 125 cc fjögurra strokka mótor og CVT sjálfskiptingu. Hjólið er afar létt, eða aðeins 152 kíló og segir Yamaha að þar fari léttasta þriggja hjóla farkosturinn sem í boði er.

Þyngdardreifingin er 50/50 á framhjólin og afturhjól og það hallar sé í beygjum með svokölluðu „Multi Wheel System“ og er mjög stöðugt hvort sem ekið er beint eða í beygjum. LED ljós eru bæði að framan og aftan á því og diskabremsur eru einnig að framan og aftan.

Hjólið á að eyða mjög litlu og Yamaha segir að það að eiga það kosti eigandann einkar lítið að reka það. Þetta hjól verður aðeins í boði í Evrópu til að byrja með og kostar 4.000 Evrur, eða um 630.000 kr. Það kemur á markað í sumar og kaupendur þess geta valið um fjóra liti.

Mest lesið




×

Mest lesið