Formúla 1

Red Bull varar Renault við

Kristinn Ásgeir Gylfason skrifar
Daniel Ricciardo ræðir við Helmut Marko
Daniel Ricciardo ræðir við Helmut Marko Vísir/Getty
Red Bull liðið hefur varað Renault við að liðið gæti leitað annað eftir vélum á næsta ári. Red Bull vill sjá greinanlegar framfarir fyrir lok júní. Annars gæti liðið farið að huga að samstarfi við annan vélaframleiðanda.

Red Bull hefur sent fjölda verkfræðinga til höfuðstöðva Renault til að hjálpa við þróun nýju V6 vélarinnar.

„Ef það verða ekki greinanlegar framfarir frá Renault innan tveggja til þriggja mánaða, munum við hiklaust hefja umræður um að nota annan kost (fyrir 2015),“ sagði ráðgjafi Red bull Helmut Marko.

Renault hefur glímt við ógrinni vandamála í tenglsum við nýja kynslóð véla fyrir Formúlu 1. Mercedes er með bestu vélina en Ferrari er ekki langt á eftir þeim. Renault á langt í land til að ná hinum tveim.

Núverandi samningur Red Bull við Renault er til loka tímabilsins 2016.

Ef svo færi að Red Bull gæfist upp á Renault gæti Honda verið góður kostur. Japanski vélaframleiðandinn er að þróa vélar fyrir næsta tímabil. Honda mun þá sjá McLaren liðinu fyrir vélum. Hugsanlega er samningur Honda við McLaren orðaður þannig að hann komi í veg fyrir að Honda semji við Red Bull.

Formúla

Tengdar fréttir

Red Bull áfrýjar máli Ricciardo

Red Bull liðið er búið að staðfesta þær fréttir að liðið hafi formlega áfrýjað úrskurði dómara formúlu eitt keppninnar í Ástralíu um síðustu helgi um að vísa Daniel Ricciardo úr keppni. Ricciardo kom annar í mark en var svo dæmdur úr leik eftir á. Ástæðan var sú að eldsneytisflæði í bíl hans fór yfir leyfileg mörk.

Renault-vélar í vanda í Malasíu

Fjórir bílar með Renault-vélar hættu keppni í Ástralíu vegna vélabilunar. Renault trúir því að fyrirtækið sé að ná árangri í átt að meiri áreiðanleika.

Framfarir Red Bull hughreysta Vettel

Þrátt fyrir skelfilega helgi í Ástralíu þar sem fjórfaldi heimsmeistarinn Sebastian Vettel hóf keppni í 13. sæti horfir nú til betri vegar.

Red Bull hótar að hætta í Formúlu 1

Eigandi orkudrykkjaframleiðandans Red Bull, Dietrich Mateschitz hefur hótað að hætta að styrkja Red Bull liðið til keppni í Formúlu 1. Hann segir að íþróttin verði að koma til móts við þarfir hans.

Mest lesið


Fleiri fréttir

Sjá meira


×

Mest lesið