Kanye West gefur út seinni hluta Yeezus

Kanye West er að endurskipuleggja tónleikaferðalag sitt um Ástralíu, og samkvæmt talsmönnum ætlar hann að nota tímann til þess  að vinna að næstu breiðskífu sinni.

Tónleikaferðalagið í Ástralíu átti að vera í maí, en verður núna í september.

Orðrómur þess efnis að Kanye ætli að nota tímann til þess að giftast unnustu sinni, Kim Kardahsian, flýgur þó fjöllum hærra vestanhafs - en þó að af brúðkaupinu verði útilokar það ekki að hann geti einnig lagt lokahönd á seinni hluta plötunnar Yeezus.

Fyrri hluti plötunnar kom út í júní og hlaut gríðarlega góðar viðtökur.