Mika Hakkinen telur að Kimi Raikkonen verði að ná liðsfélaga sínum, Fernando Alonso. Vilji hann halda sæti sínu hjá Ferrari. Alonso er með 41 stig en Raikkonen 11.
„Kimi á við vandamál að stríða og þau þarf að leysa,“ sagði Hakkinen. „Í augnablikinu er Alonso með algjöra yfirburði - munurinn er ekki lítill,“ hélt Hakkinen áfram.
„Nú þegar fjórum keppnum er lokið myndi ég hafa talið að hann væri búinn að koma sér fyrir. Bíllinn hans er ekki svo afleiddur að hann geti ekkert gert varðandi Alonso,“ sagði Hakkinen.
Það er alkunna að Raikkonen líkar ekki við ökuhermana sem ökumenn og lið nota til æfinga. Hakkinen hefur hvatt Raikkonen til að nota pásuna á milli keppanna í Kína og á Spáni vel.
Hakkinen telur að það borgi sig ekki að veita Raikkonen of mikil ráð. Raikkonen hefur gríðarlega reynslu, enda fyrrum heimsmeistari ökumanna, með Ferrari. Hakkinen telur að landi hans viti hvað þurfi að bæta og vinni að því hörðum höndum.
