Lögsækir fórnarlömb sín

Sharlene Simon frá Ontario í Kanada ók niður 3 unglinga sem leiddi til dauða eins þeirra og slösunar hinna tveggja. Auk þess ók hún of hratt og var líklega að tala í símann á meðan. Engu að síður hefur hún kært foreldra unglinganna og krefst 1,35 milljóna dollara í skaðabætur fyrir þá vanlíðan sem hún hefur þurft að glíma við síðan.

Margar ákærur geta víst talist undarlegar vestanhafs en kannski toppar þessi allt. Sharlene rökstyður mál sitt í fyrsta lagi með því að unglingunum hafi ljáðst að taka eftir því að hún ók hratt og í öðru lagi með því kæruleysi þeirra að vera á reiðhjólum en ekki varin af tonnum af stáli eins og hún sjálf með bíl sínum. Auk þessara staðreynda hafi  hún hafi þjást af þunglyndi, skapstyggð og streitu allt frá óhappinu.

Lögfræðingur fórnarlambanna segir að aldrei hafi hann á starfsævi sinni litið eins óformskammaða ákæru og kröfu og að hann hafi átt í erfiðleikum með því að segja foreldrum unglinganna frá henni. Sharlene Simon beit síðan höfuðið af skömminni með því að ákæra einnig yfirvöld í sýslu hennar fyrir að tryggja ekki öryggi akvega sýslunnar.