Erró veitt Picasso gullorða UNESCO

Stór yfirlitssýning á verkum Errós - The Saga of American Comics - var opnuð að viðstöddu miklu fjölmenni í UNESCO í París í gærkvöldi.

Erró var heiðraður af stofnunni og honum veitt Picasso gullorða UNESCO fyrir framlag hans til lista og framgang hugsjóna stofnunarinnar.

Ragnheiður Elín Árnadóttir iðnaðar- og viðskiptaráðherra flutti opnunarræðu og færði honum hamingjuóskir og þakklæti íslensku þjóðarinnar fyrir framlag hans til myndlistar.

Sýningin stendur til 28. maí og er opin almenningi.

Ljósmyndarinn Vera Pálsdóttir tók myndir.