Bílabúð Benna á Snæfellsnesi á morgun

Bílabúð Benna brunar með bílalest sína um Snæfellsnes laugardaginn 10. maí. og slær upp bílasýningum á þremur stöðum. Fyrst verður tekið hús á Ólafsvíkingum, því næst heilsað uppá Grundfirðinga og loks staldrað við í góða stund í Stykkishólmi.

Til sýnis verða nýjustu gæðagripirnir frá Chevrolet sem notið hafa mikilla vinsælda vegna hönnunar, sparneytni og hagstæðs verðs. Auk þess mun Bílabúð Benna skarta eintaki af nýja rómaða sportjeppanum Porsche Macan, sem og hinum margverðlaunaða Porsche Cayenne.