Áreiðanlegustu smábílarnir

Líklega er áreiðanleiki það sem mestu máli skiptir þegar kemur að vali á bílum. Fyrst og fremst þurfa bílar að ganga án bilana og koma eigendum sínum frá stað A til B. Þetta á við bíla í öllum flokkum, hvort sem það eru jepplingar, fjölskyldubílar, jeppar eða smábílar. Auto Express í Bretlandi hefur gert viðamikla könnun á þeim smábílum sem bíleigendur telja áreiðanlegastir og spurðu 50.000 eigendur smábíla. Út úr því kom einkunn fyrir hverja bílgerð fyrir sig og var útkoman þessi.



      Bílgerð           Einkunn

1.   Honda Jazz     98,89

2.   Kia Rio            96,51

3.   VW up!           96,08

4.   Skoda Citigo   95,70

5.   Nissan Juke    95,61

6.   Toyota Yaris    94,95

7.   Peugeot 107   94,55

8.   Mazda 2          94,41

9.   Citroën DS3    93,90

10. Suzuki Swift    93,60

Næstu 10 bílarnir á listanum voru Kia Picanto, Audi A1, Opel Adam, Ford Fiesta, Hyundai iX20, Renault Clio, Peugeot 208, Fiat Panda, Skoda Fabia og Hyundai i10. Neðstu bílarnir á listanum að neðan talið voru svo Fiat Punto, Mini Cooper, Alfa Romeo Mito, VW Polo, Fiat 500 og Kia Venga.

Ekki var tekið neitt tillit til þess hvað bílarnir kosta. Athygli vekur að enn eina ferðina eru bílar frá Japan og S-Kóreu áberandi efst á listanum og af 10 bestu bílunum eru 5 þeirra frá Japan og 1 frá S-Kóreu, en af næstu 10 bílum eiga Hyundai og Kia frá S-Kóreu 3 bíla. Frakkar eiga 2 á topp 10 listanum, Þjóðverjar 1 og Tékkar 1.