Guðni Már kominn í HK

Leikstjórnandinn Guðni Már Kristinsson er genginn í raðir HK frá ÍR og fylgir hann þar með í fótspor þjálfarans Bjarka Sigurðssonar.

Guðni er uppalinn FH-ingur en lék með ÍR öll fjögur árin sem liðið var undir stjórn Bjarka og Guðmundar Helga Pálssonar sem einnig verður í þjálfarateyminu í HK.

Hann var markahæstur í liði ÍR í vetur með 78 mörk og ljóst að um mikinn liðsstyrk er að ræða.

HK-ingar hafa verið duglegir að styrkja leikmannahópinn síðustu daga og segir í frétt á heimasíðu félagsins að jafnvel sé frekari fréttum af leikmannamálum á næstu dögum.