Formúla 1

Hamilton stundar ekki sálfræðihernað

Kristinn Ásgeir Gylfason skrifar
Hamilton hress
Hamilton hress Vísir/Getty
Lewis Hamilton ökumaður Mercedes liðsins í Formúlu 1 neitar að hafa stundað sálfræðihernað gegn liðsfélögum sínum með ásettu ráði.

Fyrrum liðsfélagin Hamilton hjá McLaren, Jenson Button hefur greint frá því að Hamilton hafi átt í sálfræðistríði við sig. Button telur líklegt að Hamilton beiti sömu brögðum á Nico Rosberg, núverandi liðsfélaga sinn.

„Ég er viss um að það munu verða - ef það eru ekki nú þegar - sálfræðihernaðarbrögð í tafli (hjá Mercedes). Hann beitti mig nokkrum brögðum,“ sagði Button.

Hamilton neitaði slíku. „Keppnin er það sem ég lifi fyrir. Þess vegna beiti ég aldrei sálfræðihernaði,“ sagði Hamilton, sem nú leiðir stigakeppni ökumanna.

„Auðvitað segir maður stundum hluti án þess að átta sig á afleiðingunum,“ sagði Hamilton og vísaði þá til þess að hafa nýlega sagt að Rosberg sé fljótari, en hafi samt ekki tekist að vinna í síðustu fjórum keppnum.

Formúla

Tengdar fréttir

Bílskúrinn: Hvað er að frétta frá Spáni?

Spænski kappaksturinn sem fram fór í gær var fyrir margt áhugaverður. Liðsfélagar glímdu og bílarnir rásuðu mikið um brautina. Mercedes mennirnir skiluðu fullu húsi stiga. Lewis Hamilton vann og Nico Rosberg varð annar.

Hamilton kom fyrstur í mark á Spáni

Eftir spennandi keppni hafði Lewis Hamilton betur gegn liðsfélaga sínum hjá Mercedes, Nico Rosberg sem reyndi hvað hann gat en allt kom fyrir ekki. Daniel Ricciardo á Red Bull varð þriðji.

Hamilton verður nær ósigrandi

Fyrrverandi heimsmeistari í Formúlu 1 telur að Lewis Hamilton eigi bara eftir að bæta við forskotið í heimsmeistarakeppni ökuþóra.

Rosberg: Lúðra púströrið virkar ekki

Nico Rosberg, ökumaður Formúlu 1 liðs Mercedes segir að það þurfi að endurhugsa tilraunir til að auka hávaða. Mercedes reyndi í dag að setja púströr á bílinn sem lítur út eins lúður.

Rosberg þarf betri ræsingar

Nico Rosberg ætlar sér að stöðva sigurgöngu liðsfélaga síns hjá Mercedes, Lewis Hamilton í Mónakókappakstrinum næstu helgi. Rosberg segir að betri ræsingar séu lykilatriði ef það á að gerast.

Mest lesið


Fleiri fréttir

Sjá meira


×

Mest lesið