Hér er uppskrift að vegan og glútenfríum múffum sem eru tilvaldar á hvaða tíma dags sem er til að seðja sárasta hungrið.
Rabarbara- og bananamúffur
* Um það bil 6 stykki
2 þroskaðir og maukaðir bananar
1/2 dl kókossykur
30 g bráðin kókosolía
4 msk möndlumjöl
4 msk haframjöl eða bókhveiti
1 1/2 tsk lyftiduft
1 1/2 tsk kanill
Dass af vanilludropum
1 lítill rabarbarastöngull
Hitið ofninn í 175°C. Hrærið saman banana, kókossykur og kókosolíu. Bætið síðan restinni af hráefnunum við og blandið vel saman. Hellið deiginu í sex möffinsform og bakið í 15 til 18 mínútur. Kælið og berið svo fram.
Fengið hér.
Rabarbara- og bananamúffur - UPPSKRIFT
