Íslenska karlalandsliðið í golfi fór illa af stað á EM landsliða sem fer nú fram í Finnlandi.
Ísland er í fimmtánda sæti af sextán þjóðum en í dag var keppt í höggleik.
Guðmundur Ágúst Kristjánsson lék á pari í dag eða 72 höggum og Haraldur Franklín Magnús var næstur á 73 höggum. Gísli Sveinbergsson lék á 74 höggum, Ragnar Már Garðarsson 77 höggum, Andri Þór Björnsson 79 höggum og Bjarki Pétursson 81 höggi.
Átta efstu þjóðirnar komast í A-riðil þar sem keppt er um titilinn en Ísland er sem stendur níu höggum frá áttunda sætinu. Einnig er keppt í höggleik á morgun.
Karlalandsliðið fór illa af stað
Tengdar fréttir
Forseti GSÍ: Kristján Þór uppfyllir ekki skilyrði afreksstefnu GSÍ
Það samræmist ekki afreksstefnu Golfsambandsins að velja stigahæsta kylfing landsins, Kristján Þór Einarsson, í golflandsliðið.
Kristján fór alla leið á Hvaleyri
Sendi landsliðsþjálfaranum skýr skilaboð.
