Þessa bíla er ódýrast að reka

Þegar kemur að því að kaupa bíl er rétt að hafa í huga hvaða bíla er ódýrast að reka með tilliti til verðs, eyðslu þeirra, afskriftum og viðgerðarkostnaði. Bílatímiritið breska Auto Express hefur tekið saman lista yfir þá 10 bíla sem ódýrast er að reka þar í landi og ætti það einnig að gefa til kynna ódýran rekstur þeirra hérlendis. Miðað var við þriggja ára eignarhald á bílunum og 58.000 km akstur. Listinn lítur svona út.

1. Volkswagen Up með 1,0 lítra bensínvél
2. Skoda Citigo með 1,0 lítra bensínvél
3. Seat Mii með 1,0 lítra bensínvél
4. Kia Picanto með 1,0 lítra bensínvél
5. Dacia Sandero með 1,5 lítra dísilvél
6. Suzuki Alto með 1,0 lítra bensínvél
7. Peugeot 107 með 1,0 lítra bensínvél
8. Citroën C1 með 1,0 lítra bensínvél
9. Dacia Logan MCV með 1,5 lítra dísilvél
10. Mitsubishi Mirage með 1,0 lítra bensínvél
    
    Allt eru þetta litlir borgarbílar, þó svo að Dacia bílarnir tveir á listanum séu öllu stærri en hinir. Lágt kaupverð þeirra kemur þeim þó á þennan lista. Í raun eru þrír efstu bílarnir sami bíllinn og tilheyra allir stóru Volkswagen fjölskyldunni. Einnig er áhugavert að skoða sigurvegarana í hverjum flokki bíla og er sá listi svona og er kaupverð þeirra í pundum í sviga.

Borgarbílar: Volkswagen Up með 1,0 lítra bensínvél  (8.433)

Smærri fjölskyldubílar: Dacia Sandero með 1,5 lítra dísilvél  (8.707)

Lúxusbílar: BMW 518d SE  (19.817)

Millistærðar fjölskyldubílar: Seat Toledo með 1,2 lítra bensínvél  (13.091)

Stærri fjölskyldubílar: Skoda Octavia með 1,2 lítra TSI bensínvél  (13.873)

Fjölnotabílar: Skoda Roomster með 1,2 lítra TSI bensínvél  (10.501)

Jepplingar: Dacia Duster með 1,6 lítra bensínvél  (11.848)