Hvað einkennir góð sambönd?

John og Julia Gottman hafa sérhæft sig í hjónum og samskiptum þeirra. Þau hafa tekið upp samskipti fleiri þúsunda para og rýnt í hvað er sagt, hvernig það er sagt, svipbrigði, tilfinningar og ósagðar tilfinningar þeirra og í kjölfarið kortlagt hvað einkenni góð pör sem eru líkleg til að vera hamingjusöm og haldast saman. 

 

Hjónin segjast geta spáð fyrir um með 94% vissu að fólk sem ekki uppfyllir þennan lista muni hætta saman innan fjögurra ára.

 

Fimm einkenni hamingjusamra para:

 

1. Hamingjusöm pör segja frá fyrstu kynnum sínum á hlýlegan hátt og með aðdáun fyrir makanum. Það er kærleikur og virðing í frásögn þeirra.

 

2. Pörin greina frá sögum þar sem þau unnu vel saman, sem teymi, en ekki bara „ég“ eða „þú“ eins og fólk hættir til að gera í rifrildum.

 

3. Þau þekkja hvort annað. Þau vita hvað hvort annað líkar vel við og hvað ekki, hvað gerir viðkomandi hamingjusaman og leiðan. Þau passa upp á að halda áfram að læra hvort á annað, langanir og líðan.

 

4. Hamingjusöm pör eru stolt af því að hafa komist saman yfir erfið tímabil og að það hafi styrkt þau sem par. Það skiptir því höfuðmáli hvernig atburðir eru túlkaðir og að pör standi saman og geti lært af þessum erfiðu tímum.

 

5. Óhamingjusöm pör eiga það til að greina frá vonbrigðum með sambandið, að það hafi ekki uppfyllt alla þeirra vonir og væntingar auk þess að vera kaldhæðin í garð langtímaskuldbingingar. Hamingjusömum pörum finnst sambandið hafa uppfyllt væntingar þeirra. 

 

Þú getur lesið meira um þessi mál hér.