Stjarnan nældi í sín fyrstu stig

Stjarnan bar sigurorð af HK í Olís-deild karla í kvöld, 27-26, en leikið var í Mýrinni í Garðabæ. Þetta var fyrsti sigur Stjörnunnar á tímabilinu, en HK er stigalaust eftir tvær umferðir. Staðan í hálfleik var 13-8 , Stjörnunni í vil.

Andri Hjartar Grétarsson var atkvæðamestur í liði Stjörnunnar með sjö mörk, en Egill Magnússon kom næstur með fimm. Þorgrímur Smári Ólafsson fór mikinn í liði HK og skoraði níu mörk. Garðar Svansson og Þorkell Magnússon komu næstir með fjögur mörk.

Markaskorarar Stjörnunnar:

Andri Hjartar Grétarsson 7, Egill Magnússon 5, Víglundur Jarl Þórsson 4, Þórir Ólafsson 4, Hilmar Pálsson 3, Ari Magnús Þorgeirsson 2, Ari Pétursson 1, Starri Friðriksson 1.

Markaskorarar HK:

Þorgrímur Smári Ólafsson 9, Garðar Svansson 4, Þorkell Magnússon 4, Óðinn Þór Ríkharðsson 3, Leó Snær Pétursson 3, Daði Laxdal Gautason 1, Tryggvi Þór Tryggvason 1, Guðni Már Kristinsson 1.